ब्राजिल विजयी सुरुआत लिन असफल

ब्राजिलले विश्वकप २०२६ को समूह सी को आफ्नो पहिलो खेलमा आइतबार मोरक्कोसँग १–१ को बराबरी खेलेको छ । कीर्तिमानी पाँच पल्टको विश्वकप विजेता ब्राजिल विजयी सुरुआत लिन असफल रहेको हो ।

न्युयार्क न्युजर्सि स्टेडियममा भएको खेलमा मोरक्कोले ब्राजिलसामु बलियो चुनौती पेस गरेको थियो । यसै क्रममा इस्माइल साइबरीको गोलमा खेलको २१ औं मिनेटमा मोरक्को सुरुआती अग्रता लिन सफल रहेको थियो ।

तर मोरक्कोले त्यसलाई कायम राख्न सकेन् र ब्राजिल ३२ औं मिनेटमा खेलमा फर्किन सफल रह्यो । उसका लागि भिनिसिय जुयिनरले बराबरी गोल फर्काए । पछिल्लो विश्वकपमा मोरक्कोले सेमिफाइनलसम्मको यात्रा तय गरेर सनसनी मच्चाएको थियो ।