बार्सिलोनाको उपाधि रक्षा अभियान सुरु

मार्कस रसफोर्डले शनिबार स्पेनी ला लिगामा बार्सिलोनाका लागि प्रतिर्स्पात्मक डेब्यु गरेका छन् र डिफेन्डिङ च्याम्पियनले रियल मार्लोकामाथि ३–० को जित निकालेको छ ।  

खेल आफैमा विवादास्पद रह्यो र प्रतिस्पर्धाको अन्त्यमा मार्लोका नौ खेलाडीमा सीमित रहेको थियो । पहिलो हाफमै मनु मार्लोनेस र भेडाट मुरिकी रातो कार्डमा मैदान छाड्न बाध्य रहे ।

बार्सिलोनाका लागि भने राफिन्हाले सातौं मिनेटमा गोलको खाता खोलेपछि फेरान टोरेसले २३ औं मिनेटमा दोस्रो गोल थपे । यस्तै लामिन यामलले दोस्रो हाफको इन्ज्युरी समयको चौथो मिनेटमा तेस्रो गोल गरे ।

अन्य खेलमा डेपोर्टिभो एलाभेसले लाभेन्टेलाई २–१ ले हरायो भने भ्यालेन्सिया र रियल सोसिडाडले १–१ को बराबरी खेले ।