बार्सिलोना सुपर कोपाको फाइनल प्रवेश

काठमाडौं । बार्सिलोना स्पेनिस सुपर कोपाको फाइनल प्रवेश गरेको छ।

साउदी अरेबियाको किंग अब्दुल्लाह स्पोर्टस सिटीमा बुधबार भएको पहिलो सेमीफाइनल खेलमा एट्लेटिक बिल्बाओमाथि २-० को सहज जित निकाल्दै बार्सिलोना फाइनलमा प्रवेश गरेको हो।

बार्सिलोनाको जितमा गाभी र लामिन यामलले गोल गरे। खेलको १७औं मिनेटमा गाभीको गोलमार्फत बार्सिलोनाले अग्रता लिएको थियो। यामलले ५२औं मिनेटमा गोल गर्दै बार्सिलोनालाई सहज जित दिलाए। 

जितसँगै बार्सिलोनाले अब उपाधिका लागि रियाल मड्रिड र मायोर्काबीचको विजेतासँग प्रतिस्पर्धा गर्नेछ।