बार्सिलोना सजिलै स्पेनिस सुपरकप फाइनलमा

डिफेन्डिङ च्याम्पियन रहेको बार्सिलोनाले बुधबार स्पेनिस सुपरलिगको फाइनल यात्रा सजिलै तय गरेको छ । साउदी अरेबियाको जेद्दामा भएको खेलमा बार्सिलोनाले एथलेटिको बिलबाओलाई सजिलै ५–० पराजित गरेको हो ।

त्यसमा राफिन्हाले दुई गोल गरे भने फेरान टोरेस, फेरमिन लोपेज र रोनी बारडघाजीले एक एक गोल गरे । अब उसले फाइनलमा रियल म्याड्रिड अथवा एटलेटिको म्याड्रिडमध्ये एकको सामना गर्नेछ ।

यो जितपछि बार्सिलोनाको यो सबै प्रकारको प्रतियोगितामा गरेर लगातार नवौं जित पुगेको छ । गत वर्ष बार्सिलोनाले ला लिगा र कोपा डेल रे उपाधि अगाडि स्पेनिस सुपरकप पनि जितेको थियो ।