आठ गोलको थ्रिलरमा बार्सिलोना विजयी

पहिलो हाफमा फेरान टोरेसले गरेको ह्याट्रिकको मदतले बार्सिलोनाले स्पेनी ला लिगामा शनिबार रियल बेटिसलाई ५–३ ले हराएको छ र शीर्ष स्थानमा चार अंकको अग्रता लिएको छ ।

सेभिलमा भएको खेलमा टोरेसले ११, १३ र ४० औं मिनेटमा गोल गरे । रियल म्याड्रिडको ३६ अंक छ र दोस्रो स्थानमा छ । भिल्लारियल भने ३५ अंकमा तेस्रोमा छ र उसले गेटाफेलाई २–० ले हरायो ।

चौथोमा रहेको एटलेटिको म्याड्रिड भने भाग्यमानी रहेन् । उसलाई एथलेटिको बिलबाओले १–० ले पराजित गर्‍यो । एटलेटिको ३१ अंक मात्र रह्यो । अर्को खेलमा डेपोर्टिभो एलाभेसले रियल सोसिडालाई १–० ले हरायो ।