भिल्लाले टुंग्यायो जितहीन यात्रा

एस्टन भिल्लाले आफ्नो जितहीन यात्रालाई बिहीबार टुंग्याउँदै युरोपा लिगमा बोलोग्नालाई १–० ले हराएको छ । रेन्जर्स भने घरमै जेन्कको हातबाट १–० ले नै पराजित रह्यो ।

यो नतिजाले रेन्जर्सका प्रशिक्षक रसेल मार्टिन अझ दबाबमा परेका छन् । इंग्लिस प्रिमियर लिगमा सुरुआती पाँच खेलमा जित निकाल्न असफल भिल्ला युरोपा लिगमा भने उपाधिको बलियो प्रत्यासी हो ।

उसका लागि कप्तान जोन म्याकगिनले निर्णायक गोल गरे । जेन्को जितमा भने दक्षिण कोरियाका मोह ह्योन ग्युले एक मात्र गोल गरे ।

प्रतियोगिताको बिहीबार भएका अन्य प्रमुख खेलमा पोर्टोले साल्जबर्गलाई १–० र स्टुटगार्टले सेल्टा भिगोलाई २–१ ले हरायो ।