केप भार्डेलाई पन्छाएर भाग्यमानी अर्जेन्टिना अन्तिम १६ मा

डिनेले गरेको आत्मघाती गोलमा डिफेन्डिङ च्याम्पियन अर्जेन्टिनाले केप भार्डेको बहादुरीपूर्ण चुनौतीलाई निस्तेज पार्दै अतिरिक्त समयमा ३–२ को सनसनीपूर्ण जित निकालेको छ र विश्वकप २०२६ को अन्तिम १६ मा प्रवेश गरेको छ ।

खेल टाइब्रेकरतर्फ अग्रसर रहेको बेला डिनेले १११ औं मिनेटमा दुर्भाग्यपूर्ण आत्मघाती गोल गरे । अब अर्जेन्टिनाले अन्तिम १६ मा प्रवेशका लागि इजिप्टको सामना गर्ने भएको । यसअघि इजिप्टले टाइब्रेकरमा अस्ट्रेलियालाई पराजित गरेको थियो ।  

मियाामीमा भएको खेलमा लियोनल मेसीले २९ औं मिनेटमा गरेको गोलमा अर्जेन्टिनाले अग्रता लिएको थियो । केप भार्डेका लागि ५९ औं मिनेटमा डेरोय डुर्टेले बराबरी गोल फर्काए । लिसान्ड्रो मार्टिनेजले ९२ औं मिनेटमा गोल गर्दै अर्जेन्टिनालाई दोस्रो पल्ट अग्रता दिलाए ।

खेलको १०३ औं मिनेटमा सिन्डी लोपेसले केप भार्डेका लागि उत्कृष्ट गोल गर्दै खेललाई सनसनीपूर्ण रुपमा बराबरीमा ल्याए । यही स्थितिमा डिनेले गरेको हेडले आफ्नै पोस्टको दिशा लिएपछि केप भार्डेको चुनौती सकिएको हो ।