रोबटर्सनले सिजनको अन्त्यमा लिभरपुल छाड्ने

एन्डी रोबटर्सनले सिजनको अन्त्यमा लिभरपुल छाड्ने भएका छन् । क्लबले बिहीबार यसको घोषणा गर्दै उनले पुर्‍याएको योगदानका लागि धन्यवाद भनेको छ । सन् २०१७ मा उनी हल सिटीबाट लिभरपुल आएका थिए ।

मर्सिसाइड क्लबमा रहने क्रममा उनले दुई पल्ट इंग्लिस प्रिमियर लिग र एक पल्ट युरोपेली च्याम्पियन्स लिगको उपाधि जिते । नौ सिजन लिभरपुलमा बिताएको क्षणलाई डिफेन्डरले सुखद भनेका छन् ।

सिजनको अन्त्यमा क्लब र रोबर्टसनबीचको अनुबन्ध सकिनेछ । अहिलेका लागि उनले लिभरपुलको तर्फबाट ३ सय ७३ खेल खेले र एनफिल्डमा रहने क्रममा कुल नौ उपाधि जिते ।