खुमलटारलाई हराउँदै एभिनर क्लब खप्तड गोल्डकपको सेमिफाइनलमा

काठमाडौ- क्यामरुनको एभिनर फुटबल क्लब खुमलटार एफसिलाई पराजीत गर्दै धनगढीमा जारी छैठौं मुख्यमन्त्री सुदूरपश्चिम खप्तड गोल्डकपको सेमिफाइनलमा प्रवेश गरेको छ ।

धनगढी रंगशालामा आज भएको खेलमा खुमलटारलाई ३–१ गोल अन्तरले पराजीत गर्दै एभिनर सेमीफाइनलमा पुगेको हो।

एभिनरका लागी खेलको आठौं मिनेटमा कोन्फोर, ६६ र ७२ औं मिनेटमा मोसिसले दुई गोल गरे। त्यस्तै खुनलटारका लागी खेलको ३६ औं मिनेटमा अनुज भण्डारीले गोल गरे।

एभिनरले सेमिफाइनलमा बागमती युवा क्लब र मनाङ मर्स्याङ्दी क्लबबीचको विजेतासँग खेल्नेछ।