&nbsp;&nbsp;स्युचाटार क्रिकेट लिग इन्डोर टि-टेन क्रिकेट प्रतियोगिताको उपाधि किंग्स क्रिकेट एकेडेमीले जितेको छ।&nbsp;काठमाण्डौ स्युचाटार स्थित तारकेश्वर क्रिकेट क्लबको इन्डोर मैदानमा आज सम्पन्न फाइनलमा किंग्सले ग्रेट हिमालय क्रिकेट एकेडेमीलाई ५ विकेटले पराजित गर्दै उपाधि जित्यो।&nbsp; उपाधि जित्न ५९ रनको लक्ष्य पाएको किंग्सले ९. २ ओभरमा २ विकेट गुमाएर लक्ष्य पुरा गर्यो। किंग्सका ओपनर आश्रय बस्नेतले सर्वाधिक २६ रन बनाए जो प्लेयर अफ द फाइनल पनि घोषित भए। यस्तै प्रदिप चन्दले १७, प्रसिद्ध श्रेष्ठले अविजित ८ तथा नरेन्द्र चन्दले अविजित ६ रन बनाए। ओपनरद्वय आश्रय र प्रदिपले ४० रनको साझेदारी गर्दै जितको आधार तयार गरे। ग्रेट हिमालयका नितेश कुमार र सन्दिप पराजुलीले १/१ विकेट लिए।&nbsp; यस अघि टस जितेर ब्याटिंग गरेको ग्रेट हिमालय क्रिकेट एकेडेमीले निर्धारित १० ओभरमा ५ विकेट क्षेतीमा ५८ रन बनायो। उसको लागि सक्षम बस्ताकोटीले सर्वाधिक १७ रन बनाए। रुपेश श्रीवास्तवले १२, सरोज खत्रीले अविजित ९ रन बनाए। किंग्सको बलिंगमा आश्रय अधिकारी र प्रसिद्ध श्रेष्ठले १/१ विकेट लिए।&nbsp; उपाधि सहित किंग्स क्रिकेट एकेडेमीले १ लाख रुपैयाँ पायो। उपविजेता ग्रेट हिमालयले ४० हजार रुपैयाँ पायो। प्लेयर अफ द सिरिज घोषित टिम बिडीएमएसका निरज भट्ट घोषित भए जसले १० हजार रुपैयाँ पाए। यस्तै उत्कृस्ट बलर पनि निरजनै घोषित भए भने उत्कृस्ट ब्याटर टिम बिडीएसका जतिन थापा घोषित भए। उत्कृस्ट ब्याटर र बलरले समान ५ हजार रुपैयाँ पाए।&nbsp; उपाधि विजेता खेलाडीहरुलाई नेपाली कांग्रेसका केन्द्रिय सदस्य एवं संविधान सभा सदस्य ध्यान गोविन्द रन्जितले पुरस्कार प्रदान गर्नु भयो। पुरस्कार वितरण समारोहमा ओलम्पिक कमिटिका महासचिव राजीव श्रेष्ठ, नेपाली कांग्रेसका केन्द्रिय सदस्य नानु बास्तोला, नेपाली कांग्रेसका नेता श्याम कृष्ण खड्का लगायतको उपस्थिति रहेको थियो।&nbsp; तारकेश्वर युथ क्लबको आयोजनामा ८ दिन संचालित प्रतियोगितामा २० टिमको सहभागिता रहेको थियो।&nbsp; समापन कार्यक्रममा बोल्दै प्रतियोगिताका निर्देशक संजय अधिकारीले प्रतियोगिता उत्साहजनक रुपमा सम्पन्न भएको र आगामी वर्ष यो भन्दा अझ भव्य बनाउने वचनवद्धता व्यक्त गर्नु भयो।

किंग्स क्रिकेट एकेडेमीलाई स्युचाटार क्रिकेट लिगको उपाधि

काठमाडौं । काठमाडौंको बुढानीलकण्ठ नगरपालिका–१३ स्थित चुनिखेलमा &nbsp;सुविधा सम्पन्न क्रिकेट एकेडेमी सञ्चालनमा आएको छ । काठमाडौंको उत्तरी भेगमा करिब १० रोपनी क्षेत्रफलमा काठमाडौं क्रिकेट एकेडेमी (केसिए) सञ्चालनमा आएको हो । व्यवसायी तथा क्रिकेटप्रेमी सबिन कार्कीले तीन करोड लगानीमा इन्डोर र आउट ट्रेनिङ ग्राउन्डसहित एकेडेमी सञ्चालनमा ल्याएका हुन् ।&nbsp; गत साउन १ गतेदेखि निर्माण थालेको एकेडेमी यसै पुसबाट सञ्चालनमा आएको एकेडेमीका प्रबन्ध निर्देशकसमेत रहेका सबिन कार्कीले बताए । पाँच वटा पिच, बलिङ मेसिन, बलरले फ्याँक्ने बलको स्पिड मापन गर्ने (स्पिडो मिटर), जिम हल र प्रतियोगिता खेल्न मिल्ने क्रिकेट मैदानसहित सुविधासम्पन्न एकेडेमी सञ्चालनमा ल्याइएको हो ।&nbsp;एकेडेमीमा बनेका पाँच वटा पिचको फरकफरक विशेषता पनि रहेको छ । दुई वटा रातोमाटोको टर्प पिच छन् । नेपालमा २०÷२१ वर्षदेखि पिच बनाउन काम गरिरहेका क्युरेटर अजय पाण्डेले पिच निर्माण गरेका हुन् । माटोको टेस्ट गरेर मात्र पिचमा राखिएको अनुभवी क्युरेटर अरुण पाण्डेले जानकारी दिए । &nbsp; काठमाडौं क्रिकेट एकेडेमी (केसिए) का प्रबन्ध निर्देशक कार्कीले नेपालकै सबैभन्दा ठूलो (३३ हजार स्क्वायर फिट) को अन्तर्राष्ट्रियस्तरको आउट डोर प्राक्टिस टर्प पिच पनि रहेको बताएका छन् । फास्ट बलरका लागि पर्याप्त रन अप पुग्ने स्पेसहित पिच तयार पारिएको छ ।&nbsp;‘फास्ट बलर र स्पिनर उत्पादन गर्नका लागि फरकफरक पिच निर्माण गरेका छौं । पिचहरू बनाउँदा अन्तर्राष्ट्रिय मापदण्ड ध्यान दिएका छौं । यहाँ राष्ट्रिय टोलीका खेलाडीले पनि खेल्न सक्छन् । राष्ट्रिय टोलीका खेलाडीलाई निशुल्क अभ्यास गर्न दिन्छौं । जिल्ला र प्रदेशका खेलाडीका लागि पनि विशेष सुविधा दिनेछौं,’केसिएका प्रबन्ध निर्देशक कार्कीले भने ।&nbsp; राष्ट्रिय टोलीमा काम गरिसकेका अनुभवी सामजङ्ग थापा र मञ्जुर खाँ आलमलगायत पाँच जना प्रशिक्षकले प्रशिक्षण दिनेछन् । चर्चित प्रशिक्षकलाई भित्राउने तयारी पनि गरिरहेको एकेडेमीका सञ्चालक कार्कीले बताएका छन् । हाल एकेडेमीमा अहिले ५० जनाले क्रिकेट सिकिरहेका छन् । प्रबन्ध निर्देशक कार्कीले एकेडेमीबाट सिकेर राष्ट्रिय खेलाडी बन्ने सपना लिएका खेलाडीका लागि आफ्नो एकेडेमी राम्रो माध्यम रहेको विश्वास व्यक्त गरे । एकेडेमीले होस्टेलको व्यवस्थासहित आवश्यक परेको खण्डमा विदेशी प्रशिक्षक पनि भित्राउने लक्ष्य राखेको छ । ‘ग्रासरुट क्रिकेटको विकास गर्न आवश्यक र पर्याप्त सुविधासहित एकेडेमी निर्माण गरेका छौं । यो एकेडेमीले नेपालको क्रिकेट विकासमा एउटा इट्टा थप्ने विश्वास लिएका छौं । सानै उमेरदेखि क्रिकेट खेल्न चाहना राख्नेका लागि पर्याप्त सेवासुविधासहित एकेडेमी खोलेका छौं,’उनले भने ।

काठमाडौं क्रिकेट एकेडेमी सञ्चालमा

काठमाडौं । एन्फा महिला सुपर लिगमा विभागीय टोली नेपाल पुलिस क्लबले विजयी सुरुआत गरेको छ।&nbsp; अखिल नेपाल फुटबल संघ (एन्फा) मुख्यालय मैदानमा पुलिसले शुक्रबार आफ्नो पहिलो खेलमा वालिङ नगरपालिकामाथि ५–० को फराकिलो जित हासिल गरेको हो। पुलिसको जितमा अनुष्का शर्मा र सम्झना लावतीले समान दुई गोल गर्दा एक गोल पूजा रानाको नाममा रह्यो। खेलको आठौं मिनेटमा गोलकिपर राधिका ओली मैदानबाट बाहिरिएकी थिइन्। उनको स्थानमा आइन् दोस्रो रोजाईकी गोलकिपर अस्मिता रनपालले पोस्ट समालेकी थिइन्। जितसँगै पुलिस अंक तालिकाको शीर्ष स्थानमा उक्लिएको छ। यता पराजित वालिङ पुछारमा झरेको छ। <div> </div>

वालिङमाथि पुलिसको सहज जित

काठमाडौं । इन्टर मिलान इटालियन सुपर कोपाको फाइनलमा पुगेको छ। बिहिवार राति भएको खेलमा एटलान्टामाथि २–० को जित हात हासिल गर्दै मिलान सुपर कोपाको फाइनलमा प्रवेश गरेको हो।मिलानको जितमा डेन्जेल डम्फ्रिजले दुवै गोल गरे। पहिलो हाफ गोल रहित बराबरी सकिएको खेलको ४९औं मिनेटमा डम्फ्रिजले गोल मार्फत इन्टर मिलानलाई सुरूआती अग्रता.दिलाए। त्यसपछि ६१औं मिनेटमा डम्फ्रिजले अर्को गोल गर्दै इन्टर मिलानको जित पक्का गरे।&nbsp; अब इन्टर मिलानले मंगलबार हुने फाइनलमा युभेन्टस र एसी मिलानबीचको दोस्रो सेमिफाइनलको विजेतासँग प्रतिस्पर्धा गर्ने छ। दोस्रो सेमिफाइनल खेल आज राति हुनेछ।&nbsp;

इन्टर मिलान सुपर कोपाको फाइनलमा

नेपाल राष्ट्रिय तथा अन्तर्राष्ट्रिय खेलाडी संघ (एनएनआईपीए) को आयोजनामा हुने एनएनआईपीए स्पोर्ट्स अवार्डको तयारी पूरा भएको छ। १९ औं संस्करण अवार्ड वितरण कार्यक्रम शनिबार काठमाडौंको ताकेश्वर नगरपालिकास्थित मनमैजु मन्दिर हातामा हुने खेलाडी संघका अध्यक्ष दीपक श्रेष्ठले जानकारी गराए। विभिन्न विधामा ३६ जनालाई अवार्ड प्रदान गरिने छ। चीनको हाङझावमा भएको १९ औं एसियाली खेलकुदमा नेपालले सहभागिता जनाएको २९ खेलबाट त्यत्तिनै संख्यामै खेलाडीलाई पुरस्कृत गरिने छ। सम्बन्धित खेल संघको सिफारिसमा सम्मानित हुने खेलाडीले जनही १० हजार नगद पुरस्कार प्राप्त गर्ने छन्। यिनै २९ खेलाडीबाट समान १÷१ पुरुष÷महिला खेलाडीलाई सर्वोत्कृष्ट खेलाडीको अवार्डसहित समान १–१ लाख नगदबाट सम्मान गरिने छ। समान १–१ पुरुष÷महिला खेलाडीलाई प्रतिभाशाली खेलाडी सम्मानसहित जनही ५० हजार नगद प्रदान गरिने छ। पाका खेल व्यक्तित्वलाई गजराज आदर्श खेल व्यक्तित्व र एनएनआईपीए खेल पत्रकारिता पुरस्कार स्वरुप १–१ जनालाई जनही ३५ हजार नगदबाट सम्मान गरिने छ। एक वर्ष उत्कृष्ट पारा खेलाडी सम्मानवापत १५ हजार नगद पुरस्कार प्रदान गरिने छ। अवार्डका लागि तार्केश्वर नगरपालिका र खेलाडी संघबीच सम्झौता भइसकेको छ।

एनएनआईपीए स्पोर्ट्स अवार्डको तयारी पूरा

काठमाडौं । विभागीय टोली त्रिभुवन आर्मी फुटबल क्लबले एन्फा राष्ट्रिय महिला लिगको दोस्रो चरणमा विजयी सुरुआत गरेको छ।&nbsp; सातदोबाटोस्थित अखिल नेपाल फुटबल संघ (एन्फा) मुख्यालय मैदानमा बिहिबार भएको खेलमा आर्मीले बागमती युवा क्लबलाई २–० ले पराजित गरेको हो।आर्मीलाई जित दिलाउन दुवै गोल विंगर विमला चौधरीले गरिन्। उनले पहिलो र दोस्रो हाफमा समान एक गोल गरेकी थिइन्। विमलाले खेलको २५औं मिनेटमा विमला विकको पासलाई पोस्टको दिशा दिएकी थिइन्। ७१औं मिनेटमा विमलाले व्यक्तिगत तथा टोलीका लागि दोस्रो गोल गरिन्।

बागमतीमाथि आर्मीको सहज जित

<div>काठमाडौं । एन्फा महिला लिगको अन्तिम चरणका खेलहरु बिहीबारबाट सुरु हुँदैछ। </div><div> </div><div>बिहीबार हुने पहिलो खेलमा त्रिभुवन आर्मी क्लब र बागमती युथ क्लबबीच खेल हुनेछ। खेल एन्फा कम्प्लेक्समा दिँउसो ३ बजे सुरु हुनेछ।</div><div> </div><div>एन्फाको आयोजनामा हुने अन्तिम चरणको लिगमा ५ टोलीलले प्रतिस्पर्धा गर्नेछन्। गत भदौमा भएको दोस्रो चरणको लिगमा सहभागी दश टोलीबाट शीर्ष ५ टोली अन्तिम चरणका लागि छनोट भएका थिए।&nbsp;</div><div> </div><div>माघ १६ गतेसम्म चल्ने अन्तिम चरणको लिगमा विभागिय टोलीहरु नेपाल पुलिस, नेपाल एपिएफ क्लब र त्रिभुवन आर्मी क्लब, वालिङ नगरपालिका र बागमती युथ क्लबले सहभागीता जनाउँदै छन्।</div>

महिला लिग : आर्मी र बागमती भिड्दै

काठमाडौं । नेपाली राष्ट्रिय महिला फुटबल टिमले घरेलु मैदानमा फोर नेसन्स कप खेल्ने भएको छ। अखिल नेपाल फुटबल संघ (एन्फा)का अनुसार प्रतियोगिता फागुन ५ देखि १४ गतेसम्म त्रिपुरेश्वरस्थित दशरथ रंगशालामा हुनेछ। यी खेल फ्रेबुअरीको फिफा अन्तर्राष्ट्रिय खेल विन्डोमा खेलाउन लागिएको एन्फाले जनाएको छ। प्रतियोगितामा नेपालसहित किर्गिस्तान, लेबनान र म्यानमार सहभागी हुनेछन् ।&nbsp;नेपालले फोर नेसन्स कपलाई एएफसी महिला एसियन कप २०२६ को छनोटको तयारीका रूपमा लिएको छ।&nbsp;

नेपाल महिला टोलीले  फोर नेसन्स कप खेल्ने

काठमाडौं । जय ट्रफी मेन्स एलिट कपका लागि बागमती प्रदेशको टोली घोषणा भएको छ । बागमती प्रदेश क्रिकेट संघले बिहीबार सन्दीप लामिछानेको कप्तानीमा १५ सदस्यीय अन्तिम टोलीको घोषणा गरिएको हो । बागमती प्रदेशले गत साता प्रारम्भिक टोलीमा १८ खेलाडीलाई डाकेको थियो । टोली घोषणा गरेसँगै बागमती प्रदेशको टोलीमा सन्दीप लामिछाने (कप्तान), सूर्य तामाङ, रिजन ढकाल, प्रतिश जिसी, उत्तम थापा मगर, आशुतोष घिरैया, रित गौतम, इशान पाण्डे, विपिन आचार्य, शुभ कसांकार, रोहन विके, सुर्यांशु कोइराला, नन्दन यादव, प्रतिक श्रेष्ठ, तिलकराज भण्डारी रहेका छन् । नेपाल क्रिकेट संघ (क्यान) को आयोजनामा जय ट्रफी पुस २१ देखि २९ गते सम्म मधेश प्रदेशको जनकपुर र वीरगन्जमा हुनेछ । जय ट्रफीमा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष चार टोली(नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेश) को सहभागिता रहने छ । सिङ्गल राउण्ड रोबिन लिगका आधारमा संचालन हुने प्रतियोगिताको शीर्ष २ टोलीबीचमा फाइनल हुनेछ । जनकपुर र वीरगंजमा हुने प्रतियोगितामा बागमती प्रदेशको लिगका सबै खेल जनकपुरमा हुनेछ । बागमतीले उद्घाटनकै दिन मधेश प्रदेशको सामना गर्नेछ।<img src="https://cdn.nepalsportz.com/media/django-summernote/2025-01-02/e0cb9311-c95c-4f1e-bff1-ef04f2380035.jpeg" style="width: 509px;">

सन्दीपको कप्तानीमा बागमतीको टोली घोषणा

काठमाडौँ । लण्डन क्ल्ब चेल्सी आइपीस्वीच टाउनसँग स्तब्ध भएको छ। प्रिमियर लिग अन्तर्गत सोमबार राति भएको खेलमा टाउनले चेल्सीलाई २–० ले पराजित गरेको हो। टाउनको जितमा लियाम डेलाप र ओमारी हटचिनसनले एक एक गोल गरे। जितसँगै १९ खेलबाट १५ जोडेको आइपीस्वीच टाउन १८औं स्थानमा उक्लिएको छ। पराजित चेल्सीको भने यस सिजनमा यो चौथो हार हो। १९ खेलबाट ३५ अंक रहेको चेल्सी तेस्रो स्थानमा छ।

चेल्सी स्तब्ध

काठमाडौँ । इंग्लिस प्रिमियर लिगमा म्यानचेस्टर युनाइटेडले अर्को हार बेहोरेको छ&nbsp; सोमबार राति भएको खेलमा म्यानचेस्टर युनाइटेड न्यूक्यासल युनाइटेडसँग २-० ले पराजित भएको हो। पाहुना टोली न्यूक्यासलको जितमा अलेजण्डर इसक र जोएलिंटनले एक एक गोल गरे। जितसँगै न्यूक्यसल युनाइटेड १९ खेलबाट ३२ अंकसहित लिगको पाँचौं स्थानमा उक्लिएको छ।यता, युनाइटेडको भने यस सिजनमा यो नवौं हार हो। समान १९ खेलबाट २२ अंक रहेको युनाइटेड १४औँ स्थानमा झरेको छ।

युनाइटेड घरेलु मैदानमै पराजित

काठमाडौं । अलराउन्डर दिपेन्द्र सिंह ऐरीलाई &nbsp;ओमोडाको ब्रान्ड एम्बेस्डरका रूपमा अनुबन्ध गरेको छ। सोमबार एक कार्यक्रमबीच दिपेन्द्र सिंह ऐरीले ब्रान्ड एम्बेस्डरका रुपमा सम्झौतापत्रमा हस्ताक्षर गरेका हुन्। साथै ऐरीलाई ओमोडा ई फाइभ हस्तान्तरण समेत गरिएको छ। ऐरी हालै सम्पन्न भएको नेपाल प्रिमियर लिग (एनपीएल) मा सुदूरपश्चिम रोएल्सका कप्तान हुन्। एनपीएल २०२४ को ‘ओमोडा इलेक्ट्रिफाइङ प्लेयर अफ द टुर्नामेन्ट’ बनेका उनलाई ओमोडा–इफाइभ प्रदान गरिएको थियो। शारडा ग्रुप एसपीजी अटोमोबाइल्स प्रालि (ओमोडा एन्ड जेइकोका लागि नेपालमा आधिकारिक वितरक)को अभिभावक कम्पनी हो। उक्त कार पाएवापत लाग्ने सम्पूर्ण कर (करिब १५ लाख रुपैयाँ) पनि कम्पनीले बेहोर्ने जनाइएको छ। ९९ किलोवाट मोटर रहेको उक्त गाडीमा ६१ किलोवाट आवरको ब्याट्री रहेको छ । कम्पनीका अनुसार यसले ४३० किलोमिटरको रेन्ज दिन्छ।

दीपेन्द्र ओमोडाको ब्रान्ड एम्बेस्डर

तारकेशवर युवा क्लबद्वारा आयोजित स्युचाटार क्रिकेट लिग इन्डोर टि-टेन प्रतियोगिताको तेश्रो दिनको खेलहरु सम्पन्न भएका छन्। आज सम्पन्न सातवटा खेलहरुमा थानकोट वारियर्स, स्मार्ट ए केयर मिडिया, ग्रेट हिमालयन क्रिकेट एकेडेमी, नेक्सस क्रिकेट एकेडेमी र मिक्समान्डु विजयी विजयी भएका छन्। आजको पहिलो खेलमा समुह 'डी' अन्तर्गत थानकोट वारियर्सले सानो स्वर्ग नेपाललाई तीन विकेटले पराजित गर्यो। ६४ रनको लक्ष्य पाएको थानकोट वारियर्सले ८.३ ओभरमा चार विकेट गुमाएर लक्ष्य पूरा गर्यो। प्लेयर अफ द म्याच घोषित थानकोट वारियर्सका सुरेश पुनले अवजित २९ रन बनाए। आजको दोस्रो खेलमा समुह 'बि' अन्तर्गत स्टुडियो सेभेनले स्मार्ट ए केयर मिडियालाई छ विकेटले पराजित गर्यो। ४६ रनको लक्ष्य पछाएको स्टुडियो सेभेनले ६. १ ओरमा एक विकेट गुमाएर लक्ष्य पूरा गर्यो । प्लेयर अफ द म्याच घोषित स्टुडियो सेवनका सन्देश कार्कीले १० रन बनाउनुको साथै तीन विकेट पनि लिए। समुह 'बि' बाट किंग्स क्रिकेट सबै ४ खेलमा जित समुह विजेताको रुपमा तथा स्टुडियो सेभेन ४ खेलमा ३ जित र १ हार पछि समुह उपविजेताको रुपमा क्वार्टरफाइनल प्रवेश गरेको छ। &nbsp;&nbsp; आजको तेस्रो खेलमा समुह 'डी' अन्तर्गत ग्रेट हिमालय क्रिकेट एकेडेमीले लगातार चौंथो जित दर्ता गर्नेक्रममा पञ्चायन युथ क्लबलाई १२ रनले पराजित गर्यो। ४३ रनको लक्ष्य पछ्याउने क्रममा पञ्चायनले ३० रनमा सबै विकेट गुमायो। प्लेयर अफ द म्याच घोषित ग्रेट हिमालयका सन्दीप पराजुलीले चार विकेट लिए। जितसंगै समुह 'डी' को विजेताको रुपमा ग्रेट हिमालय क्रिकेट एकेडेमी क्वार्टरफाइनल प्रवेश गरेको छ।&nbsp; आजको चौथो खेलमा समुह 'बि' अन्तर्गत नेक्सस क्रिकेट एकेडेमीले स्मार्ट ए केयर मिडियालाई सात विकेटले पराजित गर्यो। २६ रनको लक्ष्य पाएको नेक्ससले २ दशमलव २ ओभरमा विकेट नगुमाई लक्ष्य पूरा गर्यो। प्लेयर अफ द म्याच घोषित नेक्ससका राजेश रावतले चार विकेट लिए। आजको पाँचौं खेलमा समुह 'डी' अन्तर्गत मिक्समाण्डुले पञ्चायन युथ क्लबलाई ३० रनले पराजित गर्यो। ८८ रनको लक्ष्य पछ्याउने क्रममा पञ्चायन ५७ रनमै समेटिन पुग्यो। प्लेयर अफ द म्याच घोषित मेक्समाण्डुका सोनु देवकोटाले तीन विकेट लिए।&nbsp; आजको छैटौं खेलमा समुह 'बि' अन्तर्गत नेक्सस क्रिकेट एकेडेमीले टिम रेन्सुलाई पाँच विकेटले पराजित गर्यो। टिम रेन्सुले दिएको ५३ रनको लक्ष्य नेक्ससले ७ दशमलव २ ओभरमा दुई विकेट गुमाएर पूरा गर्यो। प्लेयर अफ द म्याच घोषित मेक्ससका आर्यन बिकले तीन विकेट लिए।आजको सातौं खेलमा समुह 'डी' अन्तर्गत मिक्समाण्डुले सानो स्वर्ग नेपाललाई ७९ रनले पराजित गर्यो। १०५ रनको लक्ष्य पाएको सानो स्वर्गले २५ रनमा सम्पूर्ण विकेट गुमायो। प्लेयर अफ द म्याच घोषित मिक्समान्डुका अनुप श्रेष्ठले ४० रन बनाए। विशाल जितपछि ३ खेलमा २ जित र १ हार बेहोरेको मिक्समान्डुले क्वार्टरफाइनल पुग्ने सम्भावना बलियो बनाएको छ। चौंथो दिनको खेलपछि हालसम्म समुह 'बि' बाट किंग्स क्रिकेट र स्टुडियो सेभेन, समुह 'सी' बाट टिम बिडीएस तथा समुह 'डी' ग्रेट हिमालय क्रिकेट एकेडेमीले क्वार्टरफाइनलमा स्थान सुरक्षित गरेका छन्। &nbsp; प्रतियोगिता अन्तर्गत पाँचौ दिन मंगलबार पनि लिग चरणका ७ वटा खेलहरु हुनेछन्।&nbsp; लिग कम नकआउट आधारमा हुने प्रतियोगिताको विजेताले १ लाख र उपविजेताले ५० हजार नगद पुरस्कार प्राप्त गर्ने छन् । प्लेयर अफ सिरिजलाई १० हजार तथा उत्कृष्ट बलर र ब्याट्सम्यानलाई जनही ५ हजार नगदबाट पुरस्कृत गरिने छ ।

स्युचाटार क्रिकेट लिग : स्टुडियो सेभेन क्वार्टरफाइनलमा, मिक्समान्डुको लगातार दोश्रो जित

काठमाडौं । म्यानचेष्टर सिटीले आफ्ना प्रशिक्षक पेप ग्वार्डिओलाको विशेष ५००औं खेलमा विजयी हासिल गरेको छ। लगातार खराब प्रदर्शनबाट गुज्रिरहेको सिटीले आइतबार राति भएको खेलमा लेष्टर सिटीलाई २–० ले पराजित गरेको हो।&nbsp; सिटीको जितमा ब्राजेलियन स्टार साभिन्हो र नर्वेजियन एर्लिङ हाल्यान्डले समान एक गोल गरे। पाँच लिग खेलपछि सिटीले पहिलो जित निकालेको छ। सिटीभन्दा शीर्ष स्थानको लिभरपुलले १४ अंकको अग्रता बनाएको छ। १८ खेलबाट लिभरपुलले ४५ तथा १९ खेलबाट सिटीको ३१ अंक छ। आइतबार रातिको जितपछि सिटी पाँचौ स्थानमा उक्लिएको छ।

ग्वार्डिओलाको ५००औं खेलमा सिटी विजयी

काठमाडौं । इङ्लिस प्रिमियर लिगमा शीर्ष स्थानको लिभरपुलले सहज जित हासिल गरेको छ। आइतबार राति अवे मैदानमा भएको खेलमा लिभरपुलले वेष्टहम युनाइटेडविरुद्ध ५–० को सानदार जित निकालेको हो।&nbsp; लिभरपुलको जितमा लुइस डिआज, कोडी गाक्पो मोहम्मद सलाह, ट्रेन्ट एलेन्जान्डर अर्नोल्ड र डिअगो जोटाले गोल गरे। जितसँगै १८ खेलबाट ४५ अंक जोडेको लिभरपुल शीर्षमा छ। दोस्रो स्थानमा रहेको नटिघंम फोरेष्टको ३७ अंक जोडेको छ। यता, पराजित वेष्टहमको १९ खेलबाट २३ अंकसहित १३ औं स्थानमा छ। गएराति नै भएको खेलमा साविक विजेता म्यानचेष्टर सिटीले लेष्टर सिटीलाई २–० ले हराएको छ।&nbsp;

लिभरपुलको सहज जित

काठमाडौं । जावलाखेल युथ क्ल्ब र चर्च ब्वाइज युनाइटेडले ललित स्मृति एन्फा यु–१८ युथ लिग अन्तर्गत आफ्नो अन्तिम खेलमा विजयी हासिल गरेका छन्।&nbsp; सातदोबाटोस्थित अखिल नेपाल फुटबल संघ (एन्फा) कम्प्लेक्समा आइतबार भएको दिनको दोस्रो खेलमा मनाङ मर्स्याङदी क्बलमाथि १–० को जित जित हासिल गरेदै चर्च ब्वाइजले यस सिजन अन्त्य गरेको छ। चर्चको जितमा सन्दीप ठाडामगरले गरेको एक मात्रै गोल निर्णयक बन्यो। उनले खेलको ७०औं मिनेटमा गोल गरेका थिए। इन्जुरी समयमा गोलकिपर उदयजंग पाण्डेले रातो कार्ड बेहोर्दै मैदान छाडेपछि मनाङ १० खेलाडीमा समेटियो। जितसँगै २२ खेलमा २५ अंक जोडेको चर्च ब्वाइजले आठौं स्थानमा रहेर लिगको अन्त्य गरेको छ। पराजित मनाङ समान खेलबाट २५ अंकका साथ नवौं स्थानमा रह्यो। आइतबारै सम्पन्न खेलमा जावलाखेल युथ क्लबले सातदोबाटो युथ क्लबविरुद्ध २–० को जित निकाल्यो । जावलाखेलको जितमा दुवै गोल विवस दर्लामीले गरे। उनले खेलको २१औं र ६७औं मिनेटमा गोल गरे। त्यसपछि थप गोल निस्कन नसक्दा जावलाखेलले सहज जित निकाल्यो। जितसँगै २२ खेलमा ३० अंक जोडेको जावलाखेलले सातौं स्थानमा रहेर लिगको अन्त्य गरेको छ। पराजित सातदोबाटो समान खेलबाट ११ अंकका साथ पुछारमा रह्यो।

जावलाखेल र चर्च ब्वाइज विजयी

तारकेशवर युवा क्लबद्वारा आयोजित स्युचाटार क्रिकेट लिग इन्डोर टि-टेन प्रतियोगिताको तेश्रो दिनको खेलहरु सम्पन्न भएका छन्। आज सम्पन्न तेश्रो दिनको खेलहरुमा बिएमडिमएस, स्टुडियो सेभेन, किंग्स क्रिकेट एकेडेमी, बिडिएस, ग्रेट हिमालय क्रिकेट एकेडेमी र कालिका वारियर्स विजयी भएका छन्।&nbsp;आजको पहिलो खेलमा समुह 'सी' अन्तर्गत बिएमडिएसले स्याङ्जालाई ३२ रनले पराजित गर्यो। ९० रनको लक्ष्य पाएको स्याङ्जाले ५७ रनमै सबै विकेट गुमायो। प्लेयर अफ द म्याच घोषित बिएमडिएसका निरज भट्टले तीन विकेट लिनुको साथै १५ रन पनि बनाएआजको दोस्रो खेलमा समुह 'बि' अन्तर्गत स्टुडियो सेभेनले नेक्सस क्रिकेट एकेडेमीलाई १४ रनले पराजित गर्यो। ७० रनको लक्ष्य पाएको नेक्ससले ५५ रनमा सम्पूर्ण विकेट गुमायो। प्लेयर अफ द म्याच घोषित सन्देश क्षेत्रीले तीन विकेट लिए।आजको तेस्रो खेलमा समुह 'बि' अन्तर्गत किङ्स क्रिकेट एकेडेमीले लगातार चौंथो जित दर्ता गर्ने क्रममा स्मार्ट ए केयरलाई ४१ रनले पराजित गर्यो। ८६ रनको लक्ष्य पछ्याउने क्रममा स्मार्ट ए केयरले ४४ रनमा सम्पूर्ण विकेट गुमायो। प्लेयर अफ द म्याच घोषित भएका आश्रय बस्नेतले २७ रन बनाए। किंग्स समुह विजेताको रुपमा क्वार्टरफाइनल प्रवेश गरेको छ।आजको चौथो खेलमा समुह 'सी' अन्तर्गत बिडिएसले बिएमडिएसलाई १२ रनले पराजित गर्यो। ७९ रनको लक्ष्य पछाएको बिएमडिएसले ६६ रनमा सम्पूर्ण विकेट गुमायो। प्लेयर अफ द म्याच घोषित बिडिएस का बसन्त खत्रीले २३ रन बनाउनुको साथै एक विकेट पनि लिए।आजको पाँचौं खेलमा समुह 'डी' अन्तर्गत लगातार तेश्रो जित दर्ता गर्ने क्रममा ग्रेट हिमालय क्रिकेट एकेडेमीले मिक्समाण्डुलाई १८ रनले पराजित गर्यो। ८० रनको लक्ष्य पछ्याउने क्रममा मिक्समाण्डुले ६१ रन मात्र बनाउन सक्यो। खेलको प्लेयर अफ द म्याच घोषित क्रिस कार्कीले दुई विकेट लिनुको साथै सात रन पनि बनाए। जित पछि ग्रेट हिमालय क्वार्टरफाइनल पुग्ने पक्का भएको छ।आजको छैठौँ खेलमा टिम बिडिएसले लगातार तेश्रो जित दर्ता गर्ने क्रममा हिमालयन क्रिकेट एकेडेमीलाई ७० रनले पराजित गर्यो। १०४ रनको लक्ष्य पछाएको हिमालयन क्रिकेट एकेडेमीले ३३ रनमा सबै विकेट गुमायो । प्लेयर अफ द म्याच घोषित टिम बिडिएसका जतिन थापाले ५३ रन बनाए। जित पहि बिडिएस क्वार्टरफाइनल पुगेको छ।&nbsp;आजको सातौं खेलमा कालिका वरियर्सले स्याङ्जा एभेन्जर्सलाई ४६ रनले पराजित गर्यो। कालिकाले दिएको ८१ रनको लक्ष्य पछ्याउने क्रममा स्याङ्जाले ३४ रनमा सम्पूर्ण विकेट गुमायो। प्लेयर अफ द म्याच घोषित लकी कडायतले ३४ रन बनाए।प्रतियोगिता अन्तर्गत सोमबार चौंथो दिन लिग चरणका ७ वटा खेल हुनेछन्। प्रतियोगिता ७ दिन सम्म चल्नेछ।&nbsp;लिग कम नकआउट आधारमा हुने प्रतियोगिताको विजेताले १ लाख र उपविजेताले ५० हजार नगद पुरस्कार प्राप्त गर्ने छन् । प्लेयर अफ सिरिजलाई १० हजार तथा उत्कृष्ट बलर र ब्याट्सम्यानलाई जनही ५ हजार नगदबाट पुरस्कृत गरिने छ ।

स्युचाटार क्रिकेट लिग : किंग्स, ग्रेट हिमालय र टिम बिडिएस क्वार्टरफाइनलमा

&nbsp;नेपाल बुद्धिचाल महासंघको क्यालेण्डरी राष्ट्रिय क्लब टिम च्याम्पियनसिप चेस प्रतियोगिता आज चौथो दिन ७ चरणको अन्तिम लिग खेल सम्पन्न भएका छन्। यस सँगै प्रतिस्पर्धा मार्फत ४ उत्कृष्ट टोली सेमिफाइनल समिकरण प्रवेश गरेका छन्।&nbsp; &nbsp; &nbsp; &nbsp; &nbsp; &nbsp; &nbsp;ललितपुर स्थित तुल्सीलाल स्मृति प्रतिष्ठानमा सञ्चालित लिग चरणको अन्तिम खेल पश्चात् ललितपुर महानगरपालिकाको टिम १४ अंक, थापाथली चेस क्लब १०, दोलखा चेस होम १० अंक र ललितपुर स्पोर्ट्स क्लब ९ अंक जोडेर सेमिफाइनल प्रवेशका लागि छनौट भए ।&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp;जम्माजम्मि उच्च अंक जोड्ने ४ टिमले सेमिफाइनल समिकरणमा प्रवेश पाउने मध्ये महालक्ष्मी नगरपालिका खेल टिमले ९ अंक र दोलखा चेस होमले ८ अंक बोकेर प्रतिस्पर्धामा उत्रेका थिए। यस बाहेक ललितपुर स्पोर्ट्स क्लब, दोलखा जिल्ला संघ, कोशी प्रदेश संघ, काठमाडौं चेस क्लब र कास्की जिल्ला संघले समान ७ अंकमा रहदै सम्भावना जगाएका थिए।&nbsp; &nbsp; &nbsp; &nbsp; &nbsp; &nbsp; स्वीस लिग तालिकाले ७ औं लिग चरणमा ललितपुर महानगरपालिका र महालक्ष्मी नगरपालिका, दोलखा चेस होम र थापाथली चेस पार्क, दोलखा जिल्ला संघ र काठमाडौं चेस क्लब, कास्की जिल्ला संघ र ललितपुर स्पोर्ट्स क्लब, सुदूरपश्चिम प्रदेश र कोशी प्रदेश विच प्रतिस्पर्धा चलेको थियो।&nbsp;&nbsp; &nbsp; &nbsp; &nbsp; नेपाल बुद्धिचाल महासंघ र ललितपुर स्पोर्ट्स क्लबको संयुक्त आयोजनामा सञ्चालन भइरहेको ७ औं राष्ट्रिय क्लब टिम चेस च्याम्पियनसिप प्रतियोगिताका विजेताले नगद २ लाख पुरस्कार , ट्रफि, मेडल र प्रमाणपत्र प्राप्त गर्नेछन् ।&nbsp;&nbsp; &nbsp; &nbsp; &nbsp;यस्तै उपविजेता टोलीले नगद १ लाख २० हजार, मेडल, प्रमाणपत्र, तृतीय हुने टोलीले नगद ६० हजार र चौथो स्थानमा आउने टोलीले नगद ४० हजार प्राप्त गर्नेछन्।&nbsp;&nbsp; &nbsp; &nbsp; &nbsp; &nbsp;प्रतिस्पर्धामा व्यक्तिगत विधा तर्फ उत्कृष्ट अंक प्राप्त गर्दै क्रमशः रुपेश जैसवाल, सुशील चौधरी, कृष्ण थापा, हेम भण्डारी र अभिक शाहले जनही नगद १० - १० हजार हात पारेका छन्।&nbsp;&nbsp; &nbsp; &nbsp; &nbsp; भोलि सेमिफाइनल खेल ललितपुर महानगर र ललितपुर स्पोर्ट्स क्लब विच तथा थापाथली चेस पार्क र दोलखा चेस होम बिच सेमिफाइनल भिडन्त हुने भएको छ।

राष्ट्रिय क्लब चेसको सेमिफाइनल समिकरण पूरा

काठमाडौँ । इंङ्लिस प्रिमियर लिग अन्तर्गत १८औँ साताको खेलमा आर्सनलले आइपीस्वीच टाउनलाई पराजित गरेको छ।&nbsp; आर्सनलको घरेलु मैदान एमिरेट्स स्टेडियम शुक्रबार राति भएको खेलमा आर्सनलले टाउनलाई १–० ले पराजित गरेको हो। आर्सनलको जितमा काइ हार्भेटले गोल गरे। उनले खेलको २३औं मिनेटमा गरेको गोल नै खेलको निर्णायक बन्यो। जितसँगै आर्सनल लिगको दोस्रो स्थानमा उक्लिएको छ। आर्सनलले १८ खेलबाट ३६ अंक जोडेको छ। पराजित टाउनको १८ खेलबाट १२ अंक रहेको छ र लिगमा १९औं स्थानमा छ ।

रेलिगेसनको टाउनमाथि आर्सनलको कठि जित

काठमाडौँ । ग्लोबल सकर अवार्डको घोषणा भएको छ। दुबईमा शुक्रबार राति आयोजना गरिएको कार्यक्रममा विश्व फुटबलमा उत्कृष्ट प्रदर्शन गरेका खेलाडी र प्रशिक्षकलाई ग्लोबल सकर अवार्डले सम्मानित गरिएको छ। हरेक बर्ष दिइने सो अवार्ड यस बर्ष २०२४ को उपाधि रियल मड्रिडका ब्राजिलियन भिनिसियस जुनियरले उत्कृष्ट पुरुष खेलाडीको अवार्ड जिते।&nbsp; त्यस्तै बार्सिलोनाकी एताना बोनमातीले उत्कृष्ट महिलातर्फको अवार्ड जितेकी छन्। त्यस्तै भिनिसियस जुनियरले उत्कृष्ट फरवार्डको अवार्ड समेत जितेका छन्। रियल मड्रिडका जुडे बेलिङघमले उत्कृष्ट मिडफिल्डरको अवार्ड जिते भने उनले बेस्ट गोलस्कोरर (म्याराडोना अवार्ड( समेत जितेका छन्। त्यस्तै रियलका प्रशिक्षक कार्लो एन्सेलोटीले बेस्ट कोचको अवार्ड जिते भने रियलले बेस्ट पुरुष क्लबको अवार्ड जितेको छ। त्यस्तै बार्सिलोनाका लामिन यमलले उत्कष्ट इमर्जिंग खेलाडीको अवार्ड जिते भने बार्सिलोनाले उत्कृष्ट महिला क्लबको अवार्ड जितेको छ। त्यसैगरी क्रिस्टियानो रोनाल्डोलाई उत्कृष्ट मिडल इस्ट खेलाडीको अवार्ड दिइएको छ भने अल हिलालका प्रशिक्षक जर्ज जिससले मिडल इस्टको उत्कृष्ट प्रशिक्षकको अवार्ड जितेका छन्। अवार्ड कार्यक्रममा नेइमारलाई प्लेयर क्यारियर अवार्ड दिइएको थियो भने थिबाउट कोर्टोइस, रियो फर्डीनान्डलाई पनि प्लेयर क्यारियर अवार्ड दिइएको थियो।

Nepal Sports

MENU

FOOTBALL LEAGUE

FAVORITE CLUB

महिला लिग : आर्मी र बागमती भिड्दै

📰 Recent News