च्याम्पियन्स लिगमा आज राति बार्यन र पिएसजीको महाभिड्न्त

काठमाडौं – यूईएफए च्याम्पियन्स लिगमा आज राति दोस्रो लेगको खेलमा जर्मन क्लब बार्यन म्युनिख र फ्रेन्च क्लब पेरिस सेन्ट जर्मन्ट पिएसजी को भिडन्त हुँदैछ ।

राति हुने यी दुई टोबीचको खेल बार्यनको घरेलु मैदान अलायंझ अरेनमा नेपाली समयअनुसार १:४५ बजेबाट सुरु हुनेछ।

यस अघि पिएसजीको घरेलु मैदानमा भएको पहिलो लेगमा बार्यन १-० गोलले विजयी भएको थियो ।

स्टार खेलाडीले भरिपुर्ण पिएसजीलाई प्रतियोगिताको यात्रा कायम राख्नको लागि आजको खेल २ गोलको अन्तरमा जित्नै पर्ने दबाब छ ।

यस खेलका लागि पिएसजीका ब्राजिलियन फरवार्ड नेयमार उपल्बध हुने छैनन् भने लियोनल मेस्सी र केलियन एम्बापे भने सुरुवात बाटै मैदान उत्रिने छन् ।

च्याम्पियन्स लिगमा यी दुई टोलीले अहिले सम्म १२ खेल खेलेका छन् । जसमा दुबै टोलीले ६/६ खेल जितेका छन् । यस्तै बार्यन ६ पटकको उपाधि विजेता हो भने पिएसजीले अहिले सम्म उपाधि जितेको छैन ।

यस्तै आजै हुने अर्को खेलमा टोटेनह्म हट्सफर र एसी मिलानबीच सोहि समयमा टोटेनह्यामको घरेलु मैदानमा भिड्दै छन्। यसअघिको पहिलो लेगमा घरेलु मैदानमा मिलान १-० गोलले विजयी भएको थियो ।