इटालीलाई हराउदै यू-२० विश्वकपको उपाधि उरुग्वेलाई

काठमाडौ- अर्जेन्टिनामा सम्पन्न फिफा यू-२० विश्वकपको उपाधि उरुग्वेले जितेको छ ।

राति भएको फाइनल खेलमा उरुग्वेले इटालीलाई १-० गोल अन्तरले पराजित गर्दै उपाधि जितेको हो ।

उरुग्वेको जितमा खेलको ८६औँ मिनेटमा लुसिआनो रोड्रीगेजले गरेको गोल नै खेलको निर्णायक बन्न पुग्यो ।

उरुग्वेले १९९७, २०१३ र २०२३ गरि तीन पटक यू२० विश्वकपको फाइनल खेलेपनि च्याम्पियन बनेको पहिलो पटक हो।

यस प्रतियोगिताको सफल टोलि भने अर्जेन्टिना हो। उसले अहिलेसम्म ६ पटक यो उपाधि जितेको छ । त्यस्तै ब्राजिलले ५ पटक जित्दा पोर्चुगलले २ पटक यो उपाधि जितेको छ।