'ए' डिभिजन लिगमा आज तीन खेल हुदै

काठमाडौ- जारि सहिद स्मारक 'ए' डिभिजन लिग फुटबलमा आज तीन खेल हुँदैछ।

दिउसो ३ बजे दशरथ रंगशालामा हुने पहिलो खेलमा थ्री स्टार क्लब र एपीएफ क्लब भिड्दैछन्।

एपीएफ २३ खेलमा २९ जोडेर आठौं स्थानमा रहदा थ्री स्टार २३ खेलमा २७ अंक जोडेर ११ औं स्थानमा रहेको छ ।

सोहि समय च्यासल नैदानमा त्रिभुवन आर्मी क्लब र सातदोबाटो युथ क्लब भिड्दैछन्।

सातदोबाटो २३ खेलमा २९ अंक जोडेर नवौं स्थानमा रहदा आर्मी २३ खेलमा ३० अंक जोडेर छैटौं स्थानमा रहेको छ ।

त्यस्तै आज हुने अन्तिम खेलमा चर्च ब्वाइज युनाईटेड र जावलाखेल युथ क्लब भिड्दैछन्। खेल साँझ ६ बजे दशरथ रंगशालामा हुनेछ।

जावलाखेल २३ खेलमा ३७ अंक जोडेर तेस्रो स्थानमा रहदा लिग लिडर चर्च ब्वाइजको २३ खेलमा ४१ अंक रहेको छ।