ए डिभिजन लिगमा आज दुई खेल हुँदै

काठमाडौं । जारी शहिद स्मारक ए डिभिजन लिग फुटबलमा आज दुई खेल हुँदैछ ।

आज एन्फा कम्प्लेक्स, सातदोदोवाटो र च्यासल खेल मैदानमा ती खेलहरु हुनेछन् ।

च्यासल मैदानमा दिउसो ३ बजे हुने खेलमा सातदोबाटो युथ क्लब र मछिन्द्र फुटबल क्लब बिचमा प्रतिस्पर्धा हुनेछ।

सातदोबाटो युथ क्लबको २२ खेलमा २९ अंक छ भने लिगमा छैटौं स्थानमा छ । त्यस्तै मछिन्द्र क्लब २२ खेलमा ३६ अंकसहित तेस्रो स्थानमा रहेको छ ।

सोहि समय एन्फा कम्प्लेक्समा हुने खेलमा थ्रि स्टार क्लब र संकटा क्लबका बिचमा प्रतिस्पर्धा हुनेछ ।

थ्री स्टार क्लब २२ खेलमा २६ अंकसहित ११औं स्थानमा छ भने संकटा क्लब २२ खेलमा २६ नै अंकसहित १२औं स्थानमा रहेको छ ।