अर्जेन्टिनालाई स्तब्ध पार्दै स्पेन विश्वकप च्याम्पियन

फेरान टोरेसले अतिरिक्त समयमा गरेको गोलको मदतले स्पेनले दस खेलाडीमा सीमित अर्जेन्टिनालाई १–० ले स्तब्ध पार्दै आइतबार विश्वकप २०२६ को उपाधि जितेको छ । न्युयोर्क न्युजर्सि स्टेडियममा बेहोरेको हारसँगै डिफेन्डिङ च्याम्पियन अर्जेन्टिना उपाधिको रक्षा गर्न असफल रह्यो ।

खेल पेनाल्टी सुटआउटतर्फ अग्रसर रहेको बेला १०६ औं मिनेटमा निको विलियम्सले निकालेको पासमा बार्सिलोनाका टोरेसले नजिकको दूरीबाट शक्तिशाली प्रहार गर्दै गोल गरेका हुन् । खेलमाथि स्पेनको पूर्ण नियन्त्रण रहेको थियो र जितका लागि हकदार पनि रह्यो ।

पूरा विश्वकपमा स्पेनले एक माक्र गोल खाएको छ र यसत्रममा उसले दरिलो रक्षापंक्तिको नमुना पनि पेस गरेको छ । स्पेनले विश्वकपको उपाधि जितेको यो दोस्रो पल्ट हो । यसअघि सन् २०१० मा स्पेनले पहिलो पटक विश्वकप जितेको थियो । अहिले भने स्पेनले युरोपेली च्याम्पियनका रूपमा पनि विश्वकप जितेको हो ।

दोस्रो हाफको इन्ज्युरी समयमा अर्जेन्टिना दस खेलाडीमा सीमित भएको थियो । दोस्रो पहेँलो कार्डमा इन्जो फर्डिनान्ड मैदान छाड्न बाध्य रहे । उनले पउ कुबार्सीमाथि डलराग्दो फल खेलेका थिए । यससँगै निर्धारित समयको खेल गोलरहित बराबरीमा टुंगेको थियो ।

 पूरा खेल अवधिमा अर्जेन्टिनाले स्पेनमाथि अश्विसनीय रूपमा एउटै पनि गतिलो आक्रमण बुन्न सकेन् । लियोनल मेसी पनि लगभग चुपचाप जस्तै रहे । त्यसको ठीक विपरित स्पेनले बलमाथि लगातार आधिपत्य कायम राखेको थियो र शृंखलाबद्ध आक्रमण पनि बुनेको थियो ।