सातदोबाटोसॅंग जावलाखेल स्तब्ध

काठमाडौ- जारि सहिद स्मारक 'ए' डिभिजन लिग फुटबलमा आज भएको अन्तिम खेलमा जावलाखेल युथ क्लब सातदोबाटो युथ क्लबसंग स्तब्ध भएको छ।

दशरथ रंगशालामा भएको खेलमा सातदोबाटोले जावलाखेललाई १-० गोल अन्तरले पराजित गरेको हो।

सातदोबाटोलाई जिताउन सार्दोरबेक मतमुरातोभले एक गोल गरे ।

यो नतिजासंगै सातदोबाटो २५ खेलमा ३५ अंक जोड्दा पाँचौं स्थानमा रहदा जावलाखेलले २५ खेलमा ३७ अंक जोड्दै चौंथो स्थानमा रहेको छ ।