रोहित र रिकेल्टन चम्केपछि मुम्बई विजयी

ओपनर जोडी रायन रिकेल्टन र रोहित शर्मा ब्याटबाट चम्केपछि इन्डियन प्रिमियर लिग (आईपीएल) २०२६ मा मुम्बई इन्डियन्सले सोमबार लखनउ सुपर जायन्ट्सलाई वानखेडे स्टेडियममा छ विकेटले पराजित गरेको छ ।

उनीहरूले पहिलो विकेटका लागि १ सय ४३ रनको साझेदारी गरेर जितको आधार तयार पारे । लखनउले पहिले ब्याटिङ गर्दै पाँच विकेटमा २ सय २८ रन बनाएको थियो ।

जवाफमा मुम्बईले चार विकेट गुमाए २ सय २९ रन बनायो । विजयी टिमका लागि रिकेल्टनले ८३ र चोटबाट मुक्त भएर मैदानमा फर्केका रोहितले ८४ रन बनाए ।

जितपछि मुम्बईको दस खेलबाट छ अंक छ र नवौं स्थानमा छ । अन्तिम स्थानमा रहेको लखनउ भने चार अंकमा रहेको छ । उसको यो लगातार छैटौं हार हो र सबैभन्दा खराव लयमा रहेको छ ।