रियलमाथि बेटिसको स्तब्धपूर्ण जित

ट्रोय पाराटलले ८१ औं मिनेटमा गरेको निर्णायक गोलको मदतले रियल बेटिसले शुक्रबार स्पेनी ला लिगामा बलियो रियल म्याड्रिडलाई १–० ले पराजित गरेको छ । यस नतिजापछि प्रशिक्षक जोसे मोउरिन्होका लागि रियलमा शतप्रतिशत सुरुआत समाप्त भएको छ ।  

नयाँ प्रशिक्षकका रूपमा मोउरिन्हो आएयता रियलले सुरुआती तीनै खेल जितेर शानदार सुरुआत लिन सफल भएको थियो । रियलको यो हारमा किलियन एमबापे पेनाल्टीमा चुक्नु पनि प्रमुख कारण रह्यो । खेलको अन्त्यतिर बेटिसका गोलरक्षक अल्भारो भालेसले एमबापेलको पेनाल्टी रोकेका हुन् ।

यो जितपछि बेटिसको नौ अंक भएको छ र तेस्रो स्थानमा उक्लेको छ । रियल भने नौ अंकमै सीमित रहेर दोस्रो स्थानमा कायम रह्यो ।