रियल फेरि जितको बाटोमा

अघिल्लो साताको हार बिर्साउँदै रियल म्याड्रिड फेरि शनिबार जितको बाटोमा फर्केको छ र यसक्रममा उसले रायो भालेकानोलाई ४–१ ले पराजित गरेको छ । यो जितका नायक फेरि एकपल्ट किलियन एमबापे रहे ।

पछिल्लो साता बेटिसले रियललाई हराएको थियो, तर यसपल्ट रियलको प्रदर्शन सम्हालिएको रह्यो र यसले प्रशिक्षक जोसे मोउरिन्होलाई राहत दिनेछ ।

उनले पेनाल्टीबाट १४ औं मिनेटमा गोलको खाता खोले र दोस्रो हाफको इन्ज्युरी समयमा अर्को गोल गरे । यसबीच अल्भारो फर्नान्डेज र जुड बेलिंघमले एक एक गोल थपे ।

भालेकानोको तर्फबाट सर्जियो कमेलोले एक गोल फर्काए । यो जितपछि रियलको पाँच खेलबाट १२ अंक भएको छ । भालेकानो भने चार अंकमा १५ औं स्थानमा छ ।

अन्य खेलमा इस्पनयोलले ओसासुनालाई २–० र रेसिङ सान्टेन्डरले डेपोर्टिभो एलाभेसलाई २–१ ले पराजित गरेको छ । एथलेटिको बिलबाओ र एल्चेबीचको खेल भने १–१ को बराबरी छुटेको छ ।