रियलको विजयी सुरुआतमा इस्पी निर्णायक

सब्टिच्युट कार्लोस इस्पीले ९० औं मिनेटमा गरेको गोलको मदतले रियल म्याड्रिडले शनिबार स्पेनी ला लिगामा इस्पनयोललाई २–१ ले हराएको छ र नयाँ सिजन विजयी सुरुआत लिएको छ । यो प्रशिक्षकका रूपमा जोसे मोउरिन्होको दोस्रो कार्यकालको पहिलो खेल पनि रह्यो ।

पहिलो पटक रियल सम्हालेको १३ वर्षपछि पोर्चुगाली प्रशिक्षक फेरि क्लबमा फर्केका हुन् र यससँगै उनी सुखद सुरुआत लिन सफल रहे । खेल बराबरीतर्फ अग्रसर भइरहेको बेला सब्टिच्युट कार्लोस इस्पीले ९० औ मिनेटमा निर्णायक गोल गरेका हुन् ।

स्टार खेलाडीले भरिएको रियलका लागि जुड बेलिंघमले नवौं मिनेटमा गोलको खाता खोले । इस्पनयोलका तर्फबाट एलेक्स कालाट्राभाले ३० औं मिनेटमा बराबरी गोल फर्काए । अन्य खेलमा भ्यालेन्सिया र सेल्टा भिगोले गोलरहित बराबरी खेले । यस्तै सेभियाले एथलेटिको बिलबाओमाथि ३–१ को जित रच्यो ।