पीएसजीलाई हराएपछि मोनाको अगाडि

बेलिज्यमका विन्गर सान्टिस इडुम्बोले ७२ औं मिनेटमा गरेको गोलको मदतले मोनाकाले फ्रान्सेली लिग वानमा शुक्रबार पेरिस सेन्ट जर्मेन (पीएसजी) लाई २–१ ले पराजित गरेको छ । कप्तान मारक्विन्होको गोलमा पीएसजीले ३१ औं मिनेटमा अग्रता लिएको थियो ।

मोनाकोका लागि फ्लाभिओले ५८ औं मिनेटमा बराबरी गोल फर्काए । यो जितले मोनाकोको तीन खेलबाट अधिक्तम नौ अंक भएको छ । पीएसजी भने तीन खेलबाट दुई अंकमै सीमित रह्यो । पीएसजीले यसअघिका दुई खेल बराबरी खेलेको थियो ।

पीएसजी अहिलेसम्म जितविहीन छ र १२ औं स्थानमा छ । यस्तोमा युरोपेली र फ्रान्सेली च्याम्पियनको सिजनमा खराव सुरुआत कायम रह्यो ।