पीएसजीको लगातार तेस्रो जित

पेरिस सेन्ट जर्मेन (पीएसजी) ले फ्रेन्च लिग वानमा शनिबार लगातार तेस्रो जित हात पारेको छ । यसका लागि उसले ले मान्सलाई ३–१ ले हरायो र अंक तालिकाको पाँचौं स्थानमा उक्लेको छ ।

खेलको १९ औ मिनेटमा बेरेल्डोले पेनाल्टीमार्फत गोल गर्दै पीएसजीलाई अग्रता दिलाए । दोस्रो हाफको सुरुमै  लुइस माफुटाले गोल गरेपछि ले मान्सले खेल बराबरीमा ल्यायो । त्यसपछि पीएसजीका लागि खभिचा क्वारात्स्खेलिया र माघेस अक्लिउसले गोल गरे ।

सिजनको सुरुआती तीन खेलमा जित निकाल्न असफल पीएसजी पछिल्ला तीन खेलमा लगातार विजयी रहेको हो । उसको अब ६ खेलबाट ११ अंक भएको छ ।