लिगमा पुलिसको पहिलो जित

काठमाडौ- जारि सहिद स्मारक 'ए' डिभिजन लिग फुटबलमा फ्रेन्ड्स क्लबलाई पराजित गर्दै पुलिसले पहिलो जित निकालेको छ।

सातदोबाटोस्थित एन्फा कम्प्लेक्समा भएको खेलमा  पुलिसले फ्रेन्ड्स क्लबलाई ३-१ गोल अन्तरले पराजित गरेको हो।

पुलिसका लागी बुद्ध तामाङले खेलको ५७ औ र ८९ औ मिनेटमा दुई गोल गरे।  खेलको ५०औं मिनेटमा मोसेसले एक गोल गरे।

उता फ्रेन्ड्सका लागी टोरिक जेब्रिनले खेलको ८६ औं मिनेटमा एक गोल गरे ।

यो जितसँगै पुलिसको सात खेलमा ४ अंक भएको छ। उता पराजित भएको फ्रेन्ड्सको समान खेलबाट ४ अंक रहेको छ ।