श्रम स्वीकृति नपाएपछि हुमागाईले छाडे चर्च ब्वाइज

काठमाडौ- चर्च ब्वाइज युनाईटेडका मुख्य प्रशिक्षक प्रदिप हुमागाईले श्रम स्वीकृति नपाएपछि क्लब छाडेका छन् ।

विशेषत सहिद स्मारक ए डिभिजन लिगका लागी उनलाई क्लबले मुख्य प्रशिक्षक नियुक्त गरेको थियो ।

हुमागाईले बुधबार सामाजिक संजालबाट मुख्य प्रशिक्षक छाडेको बताएका छन् । उनी नेपाली मुलका अमेरिकी नागरिक हुन्। 

जसले गर्दा उनले नेपालमा प्रशिक्षण गर्न श्रम स्विकृति लिनु पर्ने हुन्छ। तर उनले प्राप्त गर्न नसकेका कारण क्लब छोडेको हुन्।