साफ यू-१७, बलियो टोलि रुस विरुद्ध खेल्दै नेपाल

काठमाडौ- बंगलादेशको ढाकामा जारि साफ यू-१७ महिला च्याम्पियनसिपमा नेपालले रुस विरुद्ध खेल्दैछ।

यी दुईबिचको खेल बीएसएसएस मोस्ताफा कमल स्टेडियममा नेपाली समय अनुसार बेलुका ७ बजे सुरु हुनेछ ।

नेपालले उपाधि होड कायमै राख्न रुसलाई हराउनै पर्ने दबाब रहेको छ। तर रुस प्रतियोगिताकै सबैभन्दा बलियो टोलिको रुपमा देखिएको छ।

नेपालले पहिलो खेलमा भारतसँग ४-१ गोल अन्तरले पराजित भएको थियो भने दोस्रो खेलमा भुटानलाई ५-० ले हराएको थियो ।

पाँच राष्ट्र सहभागी प्रतियोगितामा सिंगल राउण्ड रोविन लिगपछि शीर्ष स्थानमा रहने टोली च्याम्पियन बन्नेछ ।