हारे पनि नेपाल समूह विजेता बन्दै सेमिफाइनलमा

नेपाल एसीसी प्रिमियर लिग २०२६ को आफ्नो अन्तिम लिग चरणको खेलमा हङकङको हातबाट मंगलबार १५ रनले पराजित भएको छ । हारका बावजुत नेपाल समूह ए को विजेताको रूपमा सेमिफाइनल पुगेको छ । नेपाल यसअघि नै अन्तिम चार पुग्ने निश्चित भइसकेको थियो ।

 हङकङ भने यो जितपछि समूह उप विजेता बनेको छ । दुवै टिम समान छ अंकमा रहे । नेपाल नेट रनरेटको आधारमा अगाडि रहेको हो । यो नतिजाको अर्थ आयोजक देश मलेसिया भने समूह चरणबाटै बाहिरिएको छ । नेपाल विजयी रहेको स्थितिमा मलेसिया अर्को चरण पुग्ने सम्भावना हुने थियो ।

तर मलेसियालाई भाग्य साथ दिएन् र चार अंकमै सीमित रह्यो । अब सेमिफाइनलमा नेपालले ओमान र हङकङले यूएईको सामना गर्नेछ । अर्को समूह बी मा यूएई पहिलो र ओमान दोस्रो स्थानमा रह्यो । हङकङले निश्चित जित आवश्यक खेलमा दुई अंक बटुलेको हो ।

पहिले ब्याटिङ गरेको हङकङले सात विकेट गुमाएर २ सय ६१ रन बनाएको थियो । त्यसमा बाबर हयातले १ सय २६ बलमा शानदार १ सय १७ रन बनाए र नटआउट पनि रहे । उनले सात चौका र सात छक्का प्रहार गरे । साहिद वासिफले ४५ रन जोडे ।

जवाफमा नेपालले ४९.१ ओभरमा सबै विकेट गुमाउन अथाडि २ सय ४६ रन मात्र बनाउन सक्यो । नेपालका लाविग इसान पाण्डेले सर्वाधिक ९० रन बनाए । उनले १ सय ६ बल सामना गरेर छ चौका र दुई छक्का प्रहार गरे । आसिफ सेखले पनि ४४ रनको योगदान गरे ।