महिला ओलम्पिक फुटबलको छनोटमा नेपाल र भियतनामको खेल नेपालमा हुने

काठमाडौ- महिला ओलम्पिक फुटबलको एशियाली छनोटको पहिलो चरणमा नेपाल र भियतनामबीचको नेपालमा हुने भएको छ ।

नेपाल र भियतनामबीचको खेल चैत २२ र २५ गते दशरथ रंगशालमा हुने भएको छ ।

यस प्रतियोगितामा सहभागी हुन भियतनामको महिला टोली चैत्र २० गते नेपाल आउने  छ ।

यस प्रतियोगिताको लागी  नेपाली राष्ट्रिय महिला फुटबल टिम हाल बन्द प्रशिक्षणमा रहेको छ।

अखिल नेपाल फुटबल संघ एन्फाले प्रतियोगिताको मार्केटिङ र ब्रोडकास्टिङ अधिकार एमडीएसी स्पोर्टस प्रालिलाई दिइसकेको जनाएको छ।

यस प्रतियोगिताको सन्चालन गर्नका लागी ४३ लाख अनुमानित बजेट लाग्ने पनि एन्फाले जानकारि दिएको छ।

प्रतियोगिताको लागी एन्फाले साधारण प्याराफिटतर्फ ३०० रुपैया र भिआइपितर्फको प्याराफिटका लागी रु १००० तोकेको छ।

त्यस्तै अनलाइन टिकेट किन्नका लागी एन्फाले खल्ति एपसंग साझेदारि गरेको बताएको छ।