युनाइटेडसँग एभरटनको रोमाञ्चक बराबरी

एन्सली मेइटल्यान्ड निलेसले दोस्रो हाफको इन्ज्युरी समयको छैटौं मिनेटमा नाटकीय गोल गरेपछि एभरटनले इंग्लिस प्रिमियर लिगमा आइतबार म्यानचेस्टर युनाइटेडसँग २–२ को रोमाञ्चक बराबरी खेलेको छ ।

त्यस अगाडि बेन्जामिन सेसेकोले ८८ औं मिनेटमा गोल गरेपछि युनाइटेड जिततर्फ अग्रसर देखिएको थियो । तर निलेसको गोलले दुवै टिम एक एक अंकमा चित्त बुझाउन बाध्य भए ।

गोलरहित बराबरीपछि युनाइटेडले ४७ औं मिनेटमा ब्रायन एमबुमोको गोलमा अग्रता लिन सफल भएको थियो । घरेलु टिमका लागि टायरिक जर्जले ८३ औं मिनेटमा गोल फर्काए ।

यो नतिजापछि एभरटनले आफ्नो अपराजित यात्रा कायम राख्दै तीन खेलबाट पाँच अंक हात पारेको छ । निराश युनाइटेड भने तीन खेलबाट चार अंकमै रहेर ११ औं स्थानमा रह्यो ।