मनिषा उत्कृष्ट युवा खेलाडी

करातेकी मनिषा कुमारी बोहरा एनएसजेएफ पल्सर स्पोट्र्स अवार्डको उत्कृष्ट युवा वर्ष खेलाडी बनेकी छन् । उक्त विधामा करातेका रेहान जाबेद, बक्सिङका अर्पिल राना, चेसका पुरुषोत्तम सिलवाल र क्रिकेटका  रौनक श्रीवास्तव मनोनयनमा परेका थिए । 

गत वर्ष मनिषाले चिनमा भएको एसियन २३औं क्याडेट, जुनियर तथा यु–२१ कराते च्याम्पियनसिपमा काश्य पदक जितेकी थिइन् । श्रीलंकामा सम्पन्न नवौं दक्षिण एसियाली कराते च्याम्पियनसिपमा मनिषाले नेपाललाई दुई स्वर्ण पदक दिलाइन् ।