मच्छिन्द्र केपी ओली कपको फाइनलमा प्रवेश

मच्छिन्द्र फुटबल क्लब केपी ओली कपको फाइनलमा प्रवेश गरेको छ । एन्फा कम्प्लेक्समा सोमबार भएको दोस्रो सेमिफाइनल खेलमा आयोजक टोली केपी एफसीलाई १-० गोल अन्तरले पराजित गर्दै मच्छिन्द्र फाइनलमा पुगेको हो ।

मच्छिन्द्रलाई जित दिलाउन विमल घर्ति मगरले गरेको एक मात्र गोल निर्णायक गोल बने। विमलले खेलको १९ औं मिनेटमा गोल गरेको थियो ।

मच्छिन्द्रले फाइनलमा उपाधिका लागि सातदोबाटो युथ क्लबसँग खेल्नेछ । फाइनल खेल बुधबार हुनेछ ।

सातदोबाटो त्रिभुवन आर्मी क्लबलाई पेनाल्टी सुटआउटमा हराउँदै फाइनल पुगिसकेको छ ।