मच्छिन्द्र केपी ओली कप को सेमिफाइनलमा

मच्छिन्द्र फुटबल क्लब केपी ओली कप को सेमिफाइनलमा प्रवेश गरेको छ। एन्फा कम्प्लेक्समा भएको खेलमा चर्च ब्वाइज युनाईटेडलाई २-१ गोलले पराजित गरेको हो। 

मच्छिन्द्रलाई जित दिलाउन कप्तान सुजल श्रेष्ठ र रंजित धिमालले समान एक एक गोल गरेको थियो । चर्च ब्वाइजले एक गोल भनेआत्मघाती उपहार पाएको थियो।  

खेलको १६ औं मिनेटमा सुजलले फ्रिकिकमार्फत गोल गर्दै मच्छिन्द्रलाई सुरुआती अग्रता दिलाए । खेलको ४० औं मिनेटमा रंजितले गोल गर्दै मच्छिन्द्रको अग्रता २-० को बनाए ।

त्यसपछि खेलको ६५ औं मिनेटमा मच्छिन्द्रका छिरिङ गुरुङले आत्मघाती गोल गरेपनि २-१ को नतिजामा खेल टुंगिएको थियो ।

अब मच्छिन्द्रले सेमिफाइनलमा आयोजक टोली केपी ओली एफसी र जावलाखेल युथ क्लबबीचको विजेतासँग खेल्नेछ ।