लियोनमाथि लेन्स विजयी

फ्रान्सेली लिग वानमा लेन्सले दस खेलाडीमा सीमित रहेर पनि लियोनमाथि २–१ को जित निकालेको छ । फ्लोरिन सोटुका र म्याथ्यु उडोलको गोलले लेन्सले अग्रता लिएको थियो ।

यस्तोमा लियोनका लागि खालिस मेराहले एक गोल फर्काए, तर यो हार रोक्न पर्याप्त रहेन् । त्यसको ठीक अगाडि रातो कार्डमा लेन्सले उडोललाई गुमाएको थियो ।

यो नतिजापछि लियोन ११ अंकमा दोस्रो स्थानमा रह्यो । लेन्स भने सात अंकमा सातौं स्थानमा उक्लेको छ । मोनाको १३ अंकमा शीर्षमा छ र हारले लियोनले पहिलो स्थानमा उक्लिने अवसर गुमाएको हो ।