पहिलो खेलमा लुम्बिनी र सुदूरपश्चिम भिड्दै

नेपाल प्रिमियर लिग (एनपीएल) को तेस्रो सिजन आज सोमबारदेखि कीर्तिपुरको टीयू मैदानमा सुरु हुँदैछ र उद्घाटन खेलमा डिफेन्डिङ लुम्बिनी लायन्स र सुदूरपश्चिम भिड्दै छन् । यिनै दुई टिमबीच सिजन–टु को फाइनल भएको थियो ।

सुदूरपश्चिम पछिल्ला दुवै संस्करणको फाइनल पुगेपछि पराजित रहेको थियो । लुम्बिनी नेपाली राष्ट्रिय टिमका पूर्व कप्तान रोहित पौडेलको नेतृत्वमा मैदानमा ओर्लिने छ । टिममा ओपनर आसिफ सेख पनि थपिएका छन् । सुदूरपश्चिम भने दीपेन्द्रसिंह ऐरीको नेतृत्वमा खेल्नेछ ।

नेपाल क्रिकेट संघ (क्यान) ले आइतबार प्रतियोगिताको पूर्व सन्ध्यामा पत्रकार सम्मेल गर्नै सबै तयारी पूरा भएको बताएको थियो । यसपल्टको प्रतियोगितालाई अन्तर्राष्ट्रिय क्रिकेट काउन्सिल (आईसीसी) को मान्यता प्राप्त छ भने यसै सस्करणबाट डीआरएस पनि लागू हुनेछ ।