युभेन्ट्समाथि लाजियाको शानदार जित

लयमा रहेको लाजियोले इटालीको सिरी ए मा आइतबार युभेन्ट्समाथि शानदार ३–० को निकालेको छ र यससँगै अंक तालिकाको दोस्रो स्थानमा उक्लेको छ । यो जितपछि लाजियोको १९ अंक भएको छ । इन्टर मिलान पनि समान १९ अंकमा रहेको छ ।

डिफेन्डिङ च्याम्पियन इन्टर गोल अन्तरले पहिलो स्थानमा रहेको हो । एएस रोमा १७ अंकमा तेस्रो स्थानमा छ । लाजियोले दस वर्ष अगाडि लिग उपाधि जितेयताको यो अहिलेसम्मकै लिगमा उत्कृष्ट सुरुआत हो । लाजियोका लागि ओलिभर प्राभस्टगार्ड, गुस्टाभ इसाकसन र फिसायो डेले बासिरुले एक एक गोल गरे ।

अन्य खेलमा एसी मिलानले एटलान्टालाई ३–२ ले हराएको छ र यस जितपछि टिम १५ अंकमा चौथो स्थानमा उक्लेको छ ।