खुमलटारको विजयी सुरूवात

सहिद स्मारक ए डिभिजन लिगको पहिलो तथा उद्घाटन खेलमा खुमलटार फुटबल क्लबले फ्रेन्ड्सलाई पराजित गरेको छ । खुमलटारले फ्रेन्ड्स क्ललबमाथि १-० को संघषपूर्ण जित निकाल्दै लिगमा विजयी सुरुवात गरेको छ।

त्रिपुरेश्वरस्थित दशरथ रंगशालामा सम्पन्न उद्घाटन खेलको पहिलो हाफ गोलरहित बराबरीमा सकिएको थियो । त्यसपछि खेलको दोस्रो हाफको अन्तिम दुई मिनेट बाँकी रहँदा खुमलटारका लागी विदेशी खेलाडी मेसुकेले ओलुमेउले गोल गर्दै जित दिलाएका थिए।

यो जितसँगै खुमलटारले ३ अंक जोडेको छ । यस लिगका खेलहरु दशरथ रंगशाला, एन्फा कम्प्लेक्स र च्यासल मैदानमा हुनेछ ।