केनले गरे इंग्ल्यान्डको उद्धार

ह्यारी केनको दुई गोलको मदतले इंग्ल्यान्डले विश्वकप २०२६ मा बुधबार डीआर कंगोलाई २–१ ले हराएको छ र अन्तिम १६ को चरणमा प्रवेश गरेको छ । केनले इंग्ल्यान्डलाई विश्वकप इतिहासकै एउटा स्तब्धपूर्ण नतिजाबाट जोगाएर उद्धार गरेका हुन् ।

एटलान्टामा कंगोले सातौं मिनेटमा ब्रायन चिपेंगाको गोलले अग्रता लिएको थियो र यो लामो समयसम्म कायम रह्यो । केनले ७५ औं मिनेटमा बराबरी गोल गरे भने ८६ औं मिनेटमा विजयी गोल थपे । उनी इंग्ल्यान्डका लागि विश्वकपमा सर्वाधिक गोल गर्ने खेलाडी पनि हुन् ।

केनले विश्वकपमा गरेको कुल गोल संख्या १३ पुगेको छ । यस विश्वकपमा पनि उनको गोल संख्या पाँच पुगेको छ र उनी पनि सर्वाधिक गोलकर्ताको खेलाडी हुने होडमा छन् । हारले विश्वकपमा कंगोको प्रभावशाली प्रदर्शनमा पूर्ण विराम लागेको छ ।

अब प्रतियोगिताको क्वाटरफाइनल प्रवेशका लागि इंग्ल्यान्डले सह आयोजक मेक्सिकोको सामना गर्नेछ ।