जेभेरेभ बने फ्रेन्च ओपन च्याम्पियन

एलेक्जान्डर जेभेरेभले आइतबार इटालीका फ्लाभिओ कोबोलीमाथि पाँच सेटको नाटकीय जित निकाल्दै फ्रेन्च ओपन २०२६ को उपाधि जितेका छन् । उनको खेल जीवनको यो पहिलो ग्रान्ड स्लाम उपाधि हो ।

यसअघिका तीन ग्रान्ड स्लाम फाइनलमा उनी लगातार पराजित रहेका थिए र यसक्रममा उनलाई अभाग्यशाली खेलाडी भन्न सुरु भएको थियो । रोलान्ड ग्यारोसमा भएको फाइनलमा दोस्रो वरीयताका जर्मन खेलाडी ६–१, ४–६, ६–४, ६–७ र ६–१ ले विजयी रहे ।

फाइनल चार घण्टा १६ मिनेट चलेको थियो । दसौं वरीयताका कोबोलीले भने पहिलो पटक ग्रान्ड स्लामको फाइनल खेलेका थिए र उनको तुलनामा जेभेरेभ उपाधिको हकदार पनि रहे ।