इन्टर शीर्ष स्थानमा

डिफेन्डिङ च्याम्पियन इन्टर मिलानले इटालीको सिरी ए मा शनिबार बोलोग्नालाई ३–१ ले पराजित गरेको छ र दुई अंकको अग्रतासँगै शीर्ष स्थानमा उक्लेको छ । लाजियोले अब आइतबार युभेन्ट्सको सामना गर्दैछ ।

त्यसमा जित हात पारे लाजियोसामु शीर्षमा उक्लने अवसर हुनेछ । नेपोलीको खराव सिजन भने कायम रह्यो र भेनेजिआसँग १–० ले हारेको छ ।

इन्टरको जितमा मार्कस थुराम, कार्लोस अगुस्टो र एन्गे योनाबोनीले एक एक गोल गरे । इन्टरको सात खेलबाट १९ अंक छ । उसको पछाडि रोमा १७ अंकमा छ भने लाजियोको १६ अंक रहेको छ ।