इन्टर र नेपोली दुवै विजयी

इटालीको सिरी ए मा उपाधिका लागि बलियो चुनौती पेस गर्ने इन्टर मिलान र नेपोली दुवै शनिबार आ–आफ्नो पहिलो खेलमा विजयी रहे । डिफेन्डिङ च्याम्पियन इन्टरले मोन्जामाथि ४–१ को जित निकाल्यो र उपाधि रक्षा अभियान सुरु गर्न सफल रह्यो ।

इन्टरका लागि हाकान चाल्हान्ग्लुले छैटौं मिनेटमा गोलको खाता खोलेपछि मोन्जाका तर्फबाट गुलेर्मो भारेलाले बराबरी गोल फर्काए । त्यसपछिको इन्टरका लागि पिटर जेलेन्स्की, पिओ इस्पोसिटो र यान एरेल बिसेकले एक एक गोल थपे ।

नेपोलीले भने जेनोआलाई २–० ले हरायो । त्यसमा केभिन डे ब्रुएना र एन्टोनियो भेरागाराले गोल गरे । यस्तै कागलिरीले पार्मालाई १–० ले हरायो भने युडिनेजी र कोमोबीचको खेल भने १–१ को बराबरीमा टुंगियो ।