मादिल्भ्समाथि भारतको ११ गोल

भारतले वुमेन्स साफ च्याम्पियनसिप २०२६ को सोमबार भएको समूह ‘बी’ को खेलमा माल्दिभ्सलाई सजिलै ११–० ले पराजित गरेका छ ।

भारतको गोवास्थित जवाहरलाल नेहरु स्टेडियममा भएको खेलमा प्राप्त ठूलो अन्तर जितपछि पाँच पल्टको पूर्व च्याम्पियन भारतको सेमिफाइनल यात्रा सहज हुने भएको छ ।

आयोजक टिमका लागि एभेका सिंहले ह्याट्रिक सहित चार गोल गरिन् । यस्तै प्रियन्का देवी र करिश्मा सिरसोकरले दुई दुई गोल गरे । यो समूहमा दुई पल्टको डिफेन्डिङ च्याम्पियन बंगलादेश पनि रहेको छ । यसअघि समूह ‘ए’ को खेलमा नेपालले भुटानलाई १–० ले पराजित गरेको थियो ।