ए डिभिजन लिगः हिमालयन शेर्पालाई मछिन्द्रको चुनौति

काठमाडौ- जारि शहिद स्मारक ए डिभिजन लिगमा आज हिमालयन शेर्पाविरुद्ध डिफेन्डिंग च्याम्पियन मछिन्द्र मैदान उत्रिदैछ।

यी दुईबिचको खेल एम्फा कम्प्लेक्समा दिउसो २ बजेदेखि शुरु हुनेछ।

मछिन्द्रले केहि समयअघि अनुबन्ध गरेको भुटानी रोनाल्डो चेन्जोलाई आज डेब्यु गराउने सम्भावना रहेको क्लबले जनाएको छ।

मछिन्द्र ५ खेलमा ५ अंकसहित लिगमा तालिकाको ११औं स्थानमा छ भने हिमालयन शेर्पा पनि ५ खेलमा ५ अंकका साथ नै छ र गोलअन्तरका आधारमा १०औं स्थानमा रहेको छ ।