विश्वकप अगाडि फ्रान्सको जित

फ्रान्सले लिलमा भएको विश्वकप २०२६ अगाडिको आफ्नो अन्तिम मैत्रीपूर्ण खेलमा सोमबार उत्तरी आयरल्यान्डलाई ३–१ ले हराएको छ । यसमा बायर्न म्युनिकका खेलाडी माइकल ओलिसको ह्याट्रिक गरे । प्रशिक्षक डिडिएर डेसक्याम्पका लागि फ्रान्सेली भूमिमा यो अन्तिम खेल पनि रह्यो ।  

उनले १४ वर्षयता फ्रान्सेली टिम सम्हालेका छन् र अब विश्वकपको समाप्तीसँगै त्यो जिम्मेवारी छोड्दै छन् । ओलिसले भने ४३, ४९ र ७४ औं मिनेटमा गोल गरे । उत्तरी आयरल्यान्डका लागि प्याट्रिक केलीले एक गोल फर्काए ।

यस्तै अर्को मैत्रीपूर्ण खेलमा नेदरल्यान्ड्सले विश्वकपमा डेब्यु गर्ने क्रममा रहेको उज्वेकिस्तानलाई २–१ ले हराएको छ र यो संघर्षपूर्ण जित रह्यो । डच टिमका लागि कोडी गाक्पोले दोस्रो हाफमा पेनाल्टीबाट गरेको गोल निर्णायक रह्यो ।