फ्रान्सले अब मोरक्कोको सामना गर्ने

फ्रान्सले विश्वकप २०२६ मा आइतबार अन्तिम १६ को खेलमा पाराग्वेलाई १–० ले हराएको छ र प्रतियोगिताको क्वाटरफाइनलमा प्रवेश गरेको छ । अब अन्तिम आठको खेलमा फ्रान्सले मोरक्कोको सामना गर्नेछ र यो हेर्नलायक खेल रहनेछ ।

खेलको एक मात्र गोल केलियन एमबापेले ७० औ मिनेटमा गरे । पाराग्वेली खेलाडी डिएगो गोमेजले डेसियर डोएलाई लडाएपछि ‘भार’ को मदतले फ्रान्सलाई पेनाल्टीको अवसर दिएको थियो र त्यसलाई एमबापेले सजिलै गोलमा परिणत गरे ।

यो विश्वकपमा एमबापेको १९ औं गोल रह्यो । उपाधिको बलियो दावेदार रहेको फ्रान्सले पाराग्वेविरुद्ध त्यसै अनुसारको आक्रमण भने बुन्न सकेन् । हारपछि पाराग्वे अब घर फर्किनेछ । फ्रान्स भने विश्वकपको अन्तिम आठमा पुगेको यो लगातार चौथो पल्ट हो ।