लिग चरणको अन्तिम खेलमा दिल्ली विजयी

दिल्ली क्यापिटल्सले इन्डियन प्रिमियर लिग (आईपीएल) २०२६ को लिग चरणको अन्तिम खेलमा कोलकाता नाइटराइडर्सलाई ४० रनले हराएको छ । यस खेल अगाडि दुवै टिमको प्ले अफ पुग्ने सम्भावना समाप्त भइसकेको थियो ।

त्यसैले यसको औपचारिक महत्त्व रहेन् । इडेन गार्डेनमा भएको खेलमा दिल्लीले पहिले ब्याटिङ गर्दै केएल राहुलको ६० रनको मदतले पाँच विकेटमा २ सय ३ रनको स्कोर खडा गरेको थियो । जवाफमा कोलकाता १८.४ ओभरमा १ सय ६३ रन मात्र बनाएर अलआउट भयो ।

अब मंगलबार रोयल च्यालेन्जर्स बेंगलुरु र गुजरात टाइटन्सबीच क्वालिफायनर वानको प्रतिस्पर्धा हुनेछ । यस्तै बुधबार राजस्थान रोयल्स र सनराइज हैदरावाद इलिमिनेटरमा भिड्ने छन् ।