पहिलो दिन रियल र सिटी विजयी

युरोपेली च्याम्पियन्स लिगमा नयाँ सिजनको पहिलो दिन मंगलबार राति दुई ठूला नाम रियल म्याड्रिड र म्यानचेस्टर सिटी विजयी रहेका छन् । रियलले इन्टर मिलानलाई २–१ ले पराजित गर्‍यो भने सिटीले पोर्टोलाई २–० ले हरायो ।

प्रशिक्षकका रूपमा रियल फर्केयता मोउरिन्हाले आफ्नै पुरानो क्लबविरुद्ध जित निकालेको हो । सान्टियागो बर्नाबाउमा रियलले किलियन एमबापेको गोलले अग्रता लिएको थियो । च्याम्पियन्स लिगमा एमबापेको यो ७१ औं गोल रह्यो ।

त्यसपछि फेडरिको भाल्भेरडेले दोस्रो गोल थपे । इन्टरका लागि कार्लोस अगस्टोले एक गोल फर्कार्ए । सिटीका लागि भने इर्लिङ हालान्डले दोस्रो हाफमा दुई गोल गरे । उनले च्याम्पियन्स लिगमा गरेको गोल संख्या भने ५९ पुगेको छ ।

अन्य खेलमा बोरुसिया डर्टमुन्ड र एस्टन भिल्ला पनि विजयी रहे । भिल्लाले क्लब ब्रुगलाई ३–२ ले हरायो । डर्टमुन्ड भने भिल्लारियलमाथि ३–२ ले नै विजयी रह्यो । रियल बेटिसले पनि दस खेलाडीमा सीमित लिलमाथि ३–२ को नै जित दर्ता गरेको हो । यस्तै अर्को खेलमा एईके एथेन्सले एलएएसकेलाई १–० ले हरायो ।