सिटी शीर्षसँग दुई अंकको दूरीमा

म्यानचेस्टर सिटीले बुधबार इंग्लिस प्रिमियर लिगमा क्रिस्टल प्यालेसलाई ३–० ले पराजित गर्दै लिग तालिकाको शीर्षमा रहेको आर्सनलसँगको दूरी दुई अंकमा छोट्याएको छ । लिगमा अब दुई चरणका खेल मात्र बाँकी छन् ।

इतिहाडमा भएको खेलमा पेप ग्वार्डिओलाको सिटीका लागि एन्टोन समेन्यो र ओमर मारमाुसले पहिलो हाफमा गोल गरे । साभिन्होले खेलको अन्त्यतिर तेस्रो गोल थपे । यो नजितापछि सिटीको ७७ अंक भएको छ ।

आर्सनल भने ७९ अंकमा शीर्ष स्थानमा छ । अब सिटीले शनिबार वेम्बलीमा हुने एफएकपको फाइनलमा चेल्सीको सामना गर्नेछ । यसअघि सिटीले लिग कपको उपाधि पनि जितेको थियो ।