काभा महिला भलिबल च्याम्पियनसिपमा आज पनि तीन खेल हुँदै

काठमाडौं। काभा महिला भलिबल च्याम्पियनसिप २०२६ अन्तर्गत आज तेस्रो दिन तीन खेल हुँदैछन्। 

आजको पहिलो खेलमा इरान र श्रीलंका दिउँसो १२ बजे प्रतिस्पर्धा गर्नेछन्। दोस्रो खेलमा बंगलादेश र काजाकिस्तानबीच दिउँसो २स्३० बजे प्रतिस्पर्धा हुनेछ।

यस्तै, दिनको अन्तिम तथा सबैको चासोको खेलमा घरेलु टोली नेपालले माल्दिभ्ससँग साँझ ५ बजे प्रतिस्पर्धा गर्नेछ। नेपाल लगातार दोस्रो जित निकाल्दै प्रतियोगिताको सेमिफाइनलमा स्थान बनाउन चाहन्छ।

पहिलो खेलमा भारतसँग पराजित भएको नेपालले दोस्रो खेलमा किर्गिस्तानलाई ३–० को सोझो सेटमा पराजित गरेको थियो।