ब्रेमनलाई रोक्दै डर्टमुन्ड शीर्षमा

खेलको अन्तिम दस मिनेटमा सम्भव चार गोलमा बोरुसिया डर्टमुन्ड र वेडर ब्रेमनले शुक्रबार जर्मन बुंडेसलिगामा रोमाञ्चक र नाटकीय २–२ को बराबरी खेलेका छन् । ब्रेमनका लागि निकालस फुलक्रबले इन्ज्युरी समयमा बराबरी गोल गरे ।

डर्टमुन्डले ८० औं मिनेटमा डानिएल स्टेभेन्सनको गोलमा अग्रता लिएको थियो । लगतै निको स्कोल्टबेकले ८५ औं मिनेटमा दोस्रो गोल थपे र टिम जितर्फ अग्रसर देखिएको थियो । तर लुडभिट रेइसले ८८ औं मिनेटमा ब्रेमनका लागि पहिलो गोल फर्काए ।

यस्तोमा फुलक्रबले गोल गर्दै आफ्नो टिमलाई एक अंक दिलाए । यो जितपछि डर्टमुन्ड १३ अंकमा शीर्ष स्थानमा रह्यो भने ब्रेमन आठ अंकमा चौथो स्थानमा छ ।