बेटिसको जितमा गार्सिया निर्णायक

पाब्लो गार्सियाले खेलको अन्त्यतिर गरेको गरेको एक मात्र गोलको मदतले रियल बेटिसले स्पेनी ला लिगामा मंगलबार भ्यालेन्सियालाई १–० ले हराएको छ र आफ्नो शतप्रतिशत सुरुआतलाई कायम राखेको छ । यो जितपछि बेटिसको दुई खेलबाट छ अंक भएको छ र दोस्रो स्थानमा छ ।

सेभियाको पनि दुई खेलबाट छ अंक रहेका छ र शीर्ष स्थानमा छ । भ्यालेन्सिया भने नयाँ सिजन दुई खेलमा जित निकाल्न असफल रहेको छ र एक अंकमा सीमित रहेर १५ औं स्थानमा रहेको छ । खेल बराबरीतर्फ अग्रसर भइरहेको बेला गार्सियाले ८३ औं मिनेटमा गोल गरे ।

यस गोलमा बेटिसका लागि डेब्यु गरिरहेको गणतन्त्र आयरल्यान्डका खेलाडी ट्रोय पारोटलले सहयोगी भूमिका पनि निभाए ।