सेनेगललाई पन्छाएर बेल्जियम अन्तिम १६ मा

योरी टेलेमन्सले अतिरिक्त समयको अन्त्यतिर पेनाल्टीमा नाटकीय गोल गरेपछि बेल्जियमले विश्वकप २०२६ मा बिहीबार सेनेगललाई ३–२ ले हराएको छ र अन्तिम १६ मा प्रवेश गरेको छ । बेल्जियमलले दुई गोलले पछाडि रहेको स्थितिबाट यो उत्कृष्ट पुर्नआगमनको जित आत्मसात् गरेको हो ।  

अतिरिक्त समयको अन्त्यतिर ममुडो लामिनले टेलेमन्समाथि फल गरेपछि बेल्जियमले पेनाल्टी प्रहारको अवसर पाएको थियो र त्यसलाई सदुपयोग गर्न सफल रह्यो ।

सेनेगलले हबिब डिएराले २५ औं मिनेटमा गरेको गोलमा अग्रता लिएको थियो । इस्माइल सारले ५१ औं मिनेटमा दोस्रो गोल थपे र सेनेगल जिततर्फ अग्रसर देखिएको थियो । तर रोमेलु लुकाकुले ८६ औं मिनेटमा बेल्जियमका लागि पहिलो गोल गरे ।

लगतै ८९ औं मिनेटमा योरी टेलेमन्सले बराबरी गोल गरे । त्यसपछि अतिरिक्त समयमा भने थप गोल हुन सकेन् । अब सेनेगलले क्वाटरफाइनल प्रवेशका लागि अमेरिका र बोस्निया एन्ड हर्ज गोभिनाबीच बिहीबार नै हुने खेलको विजेताको सामना गर्नेछ ।